कालोपत्र सडक खन्दा मापदण्ड पालना नगरेको भन्दै काठमाडौं महानगरपालिकाले एक व्यक्तिलाई जरिबाना तिराएको छ ।
काठमाडौं महानगरपालिका–१४ मा कालोपत्र सडक खन्न अनुमति लिए पनि मापदण्ड पालना गरेको नपाइएपछि प्रबल आचार्यलाई ५० हजार रुपैयाँ जरिबाना गरिएको महानगर प्रहरी बलले जानकारी दिएको छ ।
महानगरका अनुसार लिंक मार्गको कालोपत्र सडक खन्दा आचार्यले सडक सुरक्षाका लागि ब्यारिकेट प्रयोग नगरेको पाइएको हो ।