जाजरकोटमा बोलेरो जिप दुर्घटना: जाजरकोटको भेरी नगरपालिका–१०, नुवागाउँस्थित मध्यपहाडी लोकमार्गमा सोमबार बेलुका बोलेरो जिप दुर्घटना हुँदा दुईजनाको मृत्यु भएको छ भने एकजना गम्भीर घाइते भएका छन्।
चालक मनोज केसी र सहचालक मिथुन हमालको मृत्यु भएको जिल्ला प्रहरी कार्यालयले जनाएको छ । दाङका कमल चौधरी गम्भीर घाइते भएका छन् । उनीहरु मध्यपहाडी लोकमार्गको निर्माण कार्यमा खटिएका थिए ।
काकीगाउँबाट कुदु जाँदै गरेको प्रदेश ३–०१–०२ च ४७१९ नम्बरको बोलेरो जिप बेलुका ८ः५५ बजे सडकबाट करिब सात सय मिटर तल खसेको थियो।
स्थानीयले इलाका प्रहरी कार्यालय, जगतीपुरलाई जानकारी दिएपछि प्रहरी निरीक्षक दल बहादुर विष्टको नेतृत्वमा ४ जनाको टोली घटनास्थलतर्फ खटिएको थियो।
थप उद्दारका लागि जिल्ला प्रहरी कार्यालय, जाजरकोटबाट प्रहरी निरीक्षक दिनेश तिमिल्सेनाको नेतृत्वमा ११ जनाको टोली परिचालन गरिएको थियो।
दुर्घटनामा गम्भीर घाइते भएका तीनजनालाई भेरी नगरपालिकाको एम्बुलेन्समार्फत जिल्ला अस्पताल, जाजरकोट लगिएको थियो।
दुर्घटनाबारे प्रहरी प्रमुख पुरुषोत्तम प्रसाद पाण्डेले भने,‘प्रारम्भिक जानकारीअनुसार सवारी साधन तीव्र गतिमा रहेको अनुमान गरिएको छ।