सीजी मोटर्सले ललितपुरमा नयाँ सर्भिस सेन्टर खोले: सीजी मोटर्सले ललितपुरको बागडोलमा नयाँ अत्याधुनिक सेवा केन्द्रको उद्घाटन गरेको छ। यस सेवा केन्द्रको उद्घाटन सीजी समूहका अध्यक्ष र संघीय संसद सदस्य डा. विनोद चौधरीले गरेका थिए।
यो काठमाडौँ उपत्यकामा सीजी मोटर्सको दोस्रो सेवा केन्द्र हो। यसका साथ, काठमाडौँमा अहिले चारवटा सेवा केन्द्र रहेका छन्।
सीजी मोटर्सले नेपालभर २२ स्थानमा बलियो बिक्री र डिलर नेटवर्क निर्माण गरेको छ। यस नयाँ सेवा केन्द्रको उद्घाटनसँगै कम्पनीले ग्राहक सेवा र अनुभवलाई उच्च प्राथमिकता दिएको छ।
सीजी मोटर्सले विद्युतीय सवारीको क्षेत्रमा आफ्नो विशेषज्ञता बढाउँदै, चार्जिङ पोइन्टहरूको संख्या पनि बढाउँदैछ। अहिले कम्पनीले २०० भन्दा बढी चार्जिङ पोइन्टहरू चलाइरहेको छ र थप १०० स्थानमा चार्जिङ पोइन्टहरू विस्तार गर्ने लक्ष्य राखेको छ।
नयाँ सेवा केन्द्रले सीजी मोटर्सका विभिन्न ब्रान्डहरू जस्तै आयोन, एक्सपेंग, स्मार्ट, नेटा, रिडडारा, डायुनलाई सेवा प्रदान गर्नेछ। साथै, कम्पनीले “सीजी केयर्स सेवा” सुरु गरेको छ, जसअन्तर्गत २४/७ सडक सहायता उपलब्ध गराइनेछ।
साथै, सीजी मोटर्सले नेपालभर २१ भन्दा बढी सेवा केन्द्रहरूसँग ग्राहक सेवा प्रदान गर्दै आएको छ।
Visit homepage : eautonepal.com