विद्युतीय सवारी साधनप्रति उल्लेखनीय मागलाई सम्बोधन गर्दै सीजी मोटर्सको आधिकारिक वितरक फ्युचर मोटर्सले फ्यूचर ईभी कार्निभल सुरु गरेको छ।
सो कार्निभल भक्तपुरको राधे राधे स्थित हेरिटेज पार्टी प्यालेसमा आगामी शनिबार सम्म चल्ने छ ।
बिहान १० बजे देखि साँझ ६ बजेसम्म सञ्चालन हुने सो कार्निभलमा रिड्डारा, नेटा, जीएसी, किङलङ र सीजी केवाईसीका सवारी साधनहरू प्रदर्शनमा राखिएका छन्।
ग्राहकहरुले प्रदर्शित विभिन्न सवारी साधनलाई टच एन्ड फिल गर्न पाउनेछन्। साथै, कार्निभलमा मनोरञ्जनात्मक आकर्षणको रूपमा विभिन्न खेल, लाइभ प्रदर्शन र खाना र पेय पदार्थका स्टलहरू समावेश गरिएको छ।
प्रदर्शनीमा राखिएका कुनैपनि सवारी साधन खरिदमा इच्छुक ग्राहकहरूको लागि अन द स्पट फाइनान्सिङ, एक्सचेन्ज अफर, विशेष डिस्काउन्ट र अन द स्पट भ्यालुएसनको सुविधाहरू प्रदान गरिएको कम्पनीको भनाइ छ ।
नेपालमा विद्युतीय सवारी साधनको बढ्दो माग र ग्राहकहरुको अपेक्षालाई मध्यनजर गर्दै सीजी मोटर्सले अवतार, रिड्डारा, नेटा, जीएसी, किङलङ, सीजी केवाईसी, दायुन र स्मार्ट गरी ८ वटा विभिन्न ब्राण्डका विद्युतीय सवारी साधनहरु बिक्री वितरण गर्दै आइरहेको छ।
