लुयान स्कुटरको नेपालका लागि आधिकारिक वितरक ‘जिरो इमिसन राइड (एन)’ ले ‘ दशैं तिहार तथा छठ धमाका अफर ल्याएको छ ।
‘देशको उर्जा, देशमै खपत अभियान’ भन्ने मुल नाराका साथ चीनमा निर्मित गुणस्तरीय र विश्वप्रशिद्ध ब्राण्ड ‘लुयान’का विद्युतीय स्कुटरहरु बिक्री गर्दै आएको कम्पनीले आजदेखी लागु हुनेगरी फेस्टिबल अफर ल्याएको हो ।
यस अफर अन्तर्गत लुयानको विद्युतीय स्कुटर खरिद गर्ने ग्राहकहले १० हजार छुट सहित अन्य सुविधाहरु समेत प्राप्त गर्ने कम्पनीले जनाएको छ ।
यसका साथै, एउटा प्रिमियम हेलमेट, विमा तथा नामसारी खर्च, चालु आर्थिक बर्षको कर, ६ पटकसम्म निशुल्क सर्भिस तथा स्कुटरका विभिन्न कम्पोनेन्टहरुमा वारेन्टी समेत प्राप्त गर्न सकिनेछ ।
अन्य कुनै पनि कम्पनीका पुराना बाइक तथा स्कुटरसँग साटेर लुयानका नयाँ स्कुटर लैजान समेत पाइनेछ । साथै फाइनान्सको सुविधा समेत पाउन सकिनेछ ।
यो स्किम कम्पनीलको मुख्य शोरुम नागपोखरी, काठमाण्डौं लगायत अन्य शोरुम तथा डिलरहरुबाट पाउन सकिनेछ ।
कम्पनीका अनुसार लुयान ब्राण्डका हरेक स्कुटरहरुमा लिक्विड कुल्ड मोटर प्रयोग गरिएको हुन्छ ।
जसका कारण स्कुटरको तान्ने क्षमतामा वृद्धि हुनुका साथै मोटरको आयु पनि अन्य सामान्य मोटर भन्दा बढी हुन्छ ।
