नागोर्नो-काराबाखको तेल भण्डारमा विष्फोट

अजरबैजान :  अजरबैजानको नागोर्नो-काराबाखमा रहेको एउटा तेल भण्डारमा विष्फोट हुँदा कम्तीमा २० जनाको मृत्यु भएको छ ।

अर्मेनियाका स्थानीय अधिकारीहरूले यस विस्फोटमा सयौं व्यक्ति घाइते भएको बताएका छन् ।

झण्डै ३०० जनालाई अस्पतालमा भर्ना गरिएको छ, जसमध्ये दर्जनौँको अवस्था अझै चिन्ताजनक रहेको छ।

यस घटनाको केही समयअघि आर्मेनियाली सरकारले नागोर्नो-काराबाखबाट १३ हजार ३५० शरणार्थी आफ्नो देशमा प्रवेश गरेको बताएको थियो।

बहुसंख्यक आर्मेनियाली मूलका करिब १२०,००० मानिसहरू विवादित क्षेत्र नागोर्नो काराबाखमा बस्छन्।