एमजी मोटर इन्डियाले भारतमा कमेट ईभीको बुकिङ सुरु गरिसकेको छ। भारतमा कमेट ईभीको मूल्य रु. ७.९८ लाखबाट सुरु हुन्छ।
कमेट ईभी हाल सबैभन्दा सानो इलेक्ट्रिक कार हो । कमेट ईभीले सिंगल चार्जमा २३० किलोमिटरको रेन्ज प्रदान गर्दछ ।
यसमा ब्रेकिङको लागि फ्रन्टमा डिस्क र रियरमा ड्रम दिइएको छ। सस्पेन्सनको लागि फ्रन्टको भागमा म्याकफर्सन स्ट्रट र रियरमा मल्टि-लिंकिङ क्वाइल सस्पेन्सन दिइएको छ ।
कमेट ईभीको उत्पादन सुरु भइसकेको छ र यसको डेलिभरी यस महिनाको अन्त्यमा सुरु हुनेछ।
यसमा १७।३ केडब्ल्युएच क्षमताको ब्याट्री दिइएको छ, जसले ४२ एचपीको पावर र ११० एनएमको टर्क जेनरेट गर्दछ ।
यसको ब्याट्री १० देखि ८० प्रतिशत चार्ज गर्न ७ घण्टा लाग्छ । एमजी कमेट ईभी जीएसईभी प्लेटफर्ममा तयार पारिएको हो ।
यसले सानो फ्रन्ट ग्रिल, ठूलो एलईडी स्ट्रिप, पातलो हेडलाइट, ठूला ढोका र स्पोर्टी अलोय ह्विल जस्ता फिचरहरु प्राप्त गरेको छ ।