नेपाल अटो मेकानिक टे«ड युनियन, ललितपुर नगर कमिटिको आयोजनामा काठमाण्डौंको जरसिंहपौवामा गत शुक्रबार र शनिबार क्रमशः आन्तरिक प्रशिक्षण तथा पिकनिक कार्यक्रम सम्पन्न भएको छ ।
अघिल्लो दिन शुक्रबार सम्पन्न प्रशिक्षण कार्यक्रममा युनियनका विविध बिषयमा प्रशिक्षण दिइएको थियो ।
प्रशिक्षण कार्यक्रममा संस्थाको विभिन्न तहमा हुने कमिटीका पदाधिकारी तथा सदस्य चयनमा देखिएको अनियमितताको सुधारको खाँचो औंल्याइएको थियो ।
शनिबार कमिटिका पदाधिकारी तथा सदस्यहरुको सहभागितामा पिकनिक कार्यक्रम पनि सम्पन्न भएको छ । कार्यक्रममा नाटुका बाग्मति प्रदेशका उपाध्यक्ष दिलपुकार केसीको प्रमुख अतिथिको रुपमा हुनुहुन्थ्यो ।
उक्त पिकनिक कार्यक्रममा नाटु ललितपुर महानगर कमिटीका उत्तम नकर्मी, महालक्ष्मी नगर कमिटीका अध्यक्ष अशोक श्रेष्ठ, गोदावरी नगर कमिटीका अध्यक्ष नवराज बजगाई, अटो नेपाल म्यागेजिनका संगम अर्याल, नाटु गाडी कमिटीका क्षेत्रीय अध्यक्ष प्रदिप गौतम र काठमाण्डौं कमिटीका सचिव विष्णु लम्साल लगायतको सहभागिता थियो ।
कार्यक्रम नाटु, ललितपुर कमिटीका अध्यक्ष विराट दवाडिको अध्यक्षतामा सम्पन्न भएको थियो ।
