बैंक तथा बित्तिय संस्थामा लगानी योग्य पूजीँको अभाव र राष्ट्र बैंकले हायर पर्चेज कर्जामा कडाई गरेका कारण अहिले फाइनान्स सुबिधामा भन्ने बित्तिकै गाडी किन्न सकिने अबस्था रहेको पाइदैन । यस्तोमा आयसर गाडीको नेपालका लागि आधिकारिक बितरक इस्टर्न एजेन्सिजले बिना धितो ८० प्रतिशतसम्मको फाइनान्स सुबिधामा गाडी किन्न सकिने अफर ल्याएको छ ।
आयसरको जुनसुकै मोडलको गाडी खरिद गर्न ग्राहकले शुरुमा २० देखी ३० प्रतिशतसम्म नगद भुक्तानी गरेपछि बाँकी रहने ८० प्रतिशतसम्म रकमलाई कम्पनी आफैले लगानी गर्ने बताएको हो ।
कम्पनी स्रोतका अनुसार आयसर ब्रान्डको लाइट र हेभी कमर्सियल तथा बस खरिद गर्न चाहने ग्राहकलाई कम्पनीको आफ्नै हायर प्रचेज कम्पनीले बढीमा ८० प्रतिशतसम्मको फाइनान्स सुबिधा उपलब्ध गराउनेछ । यो अफरमा गाडी किन्न चाहने ग्राहकले नगद छुट भने पाउने छैनन् । यो अफर सिमित अबधीका लागी मात्र रहने हुँदा ग्राहकलाई छिटोभन्दा छिटो आयसर गाडीको शोरुममा गएर गाडी बुक गर्न कम्पनीले आह्वान समेत गरेको छ ।
भारतीय कमर्सियल भेहिकल निर्माता आयसरको नेपालमा हेभी ड्युटी भेहिकल, लाइट कमर्सियल भेहिकल र बसहरु उपलब्ध रहँदै आएको छ । जसमध्ये यसको ट्रिप्पर, लाइट ट्रक र स्कुल बस नेपाली बजारमा निकै लोकप्रिय मानिन्छ ।