नेपालमा प्यूजो र सिट्रोनको आधिकारिक वितरक सांग्रिला मोटर्सले चाडपर्वको अवसर पारेर १६ लाख ५० हजारसम्म छुट दिने स्कीम सार्वजनिक गरेका छन् ।
कम्पनीले आफ्नो अहिलेसम्मकै सबैभन्दा ठूलो अफर ल्याएर दशैं, तिहार र छठको अवसरमा गाडी किन्न चाहनेलाई राम्रो अवसर प्रदान गरेको जनाएको छ ।
सांग्रिला मोटर्सले प्युजोको कार किन्ने ग्राहकलाई १६ लाख ५० हजार रुपैयाँ र सिट्रोनको कार किन्ने ग्राहकलाई १५ लाख ५० हजार रुपैयाँ बराबरको फाइदा दिने कम्पनीले जारी गरेको विज्ञप्तीमा उल्लेख छ ।
यो स्कीममा गाडी किन्ने ग्राहकले सिट्रोन एयर क्रस ५ वा प्यूजो ३००८ डिजेल जुन ब्राण्डको जुन मोडल खरिद गरेपनि मूल्यमा नगद ७ लाख छुट, १ वर्षको बीमा, ४ महिनासम्म लाग्ने सम्पूर्ण ब्याज र इएमआई तथा एक वर्षको वार्षिक कर उपलब्ध गराउने जनाएको छ ।
‘ड्राइभ नाउ, पे लेटर’ ट्यागलाइनसहित आएको चाडपर्व स्कीममा फ्रेन्च कार किन्न चाहने ग्राहकको लागि उत्कृष्ट अफर हुन सक्छ ।