The NEVO Q05 लाई चितवनमा आयोजित भव्य लन्च कार्यक्रममार्फत सार्वजनिक गरिएको छ। कार्यक्रममा प्रमुख अतिथिका रूपमा FNCCI चितवनका अध्यक्ष श्री चिरञ्जीवी सुवेदी तथा विशेष अतिथिका रूपमा CADA का अध्यक्ष श्री इन्द्र रेग्मीको उपस्थिति रहेको थियो।
कार्यक्रममा राजहंस अटोमोबाइल–चाङ्गान चितवनका अध्यक्ष श्री दिलीप थानेत, MAW Vriddhi का निर्देशक श्री पार्थ सिकरिया, उपाध्यक्ष श्री सन्दीप चटर्जी तथा MAW Vriddhi Autocorp Pvt. Ltd. का प्रमुख कार्यकारी अधिकृत श्री ज्ञानेन्द्र बहादुर चन्दको समेत गरिमामय उपस्थिति रहेको थियो।
कम्पनीले NEVO Q05 को Ultra भेरियन्ट विशेष मूल्य रु. ५१.९९ लाख निर्धारण गरेको छ । Changan NEVO Q05 एक कम्प्याक्ट इलेक्ट्रिक SUV हो, जसले कम्फर्ट, डिजाइन र प्रविधिमा “A Class Above” अनुभव प्रदान गर्ने गरी डिजाइन गरिएको दाबी गरेको छ ।
कम्फर्टमा ए क्लास अबभ
आधुनिक परिवारको आवश्यकतालाई ध्यानमा राखेर विकास गरिएको Q05 ले कम्प्याक्ट बाहिरी आकारसँगै फराकिलो र व्यावहारिक केबिन प्रदान गर्न सक्ने कम्पनीले जनाएको छ । यसको सेग्मेन्टकै अग्रणी २,७३५ mm ह्वीलबेस र ८६.६ प्रतिशत केबिन स्पेस उपयोगिता ले यात्रुहरूका लागि पर्याप्त स्थान उपलब्ध गराउँछ, जसमा पछाडिको सिटमा तीन जना वयस्कले समेत आरामदायी रूपमा यात्रा गर्न सक्छन्।
पछाडिको सिटब्याकमा २८ र ३३ डिग्रीका दुईवटा रिक्लाइनिङ पोजिसन उपलब्ध छन् भने सिटहरूमा एर्गोनोमिक नौ तहको निर्माण प्रयोग गरिएको छ। Q05 मा ५४० लिटरको डुअल–लेभल बुट सहित ९० लिटरको लुकेको स्टोरेज, २९ वटा व्यावहारिक स्टोरेज स्पेस तथा ६७ भन्दा बढी साउन्ड इन्सुलेसन तथा न्वाइज रिडक्सन पोइन्टहरू रहेका छन्। चयनित भेरियन्टमा १.८ वर्गमिटरको प्यानोरामिक ग्लास रूफ तथा पावर्ड सनसाइड पनि उपलब्ध छ।
डिजाइनमा ए क्लास अबभ
Q05 को डिजाइन विकास क्लाउस जाइसियोरा, चाङ्गान ग्लोबल डिजाइनका भाइस प्रेसिडेन्ट तथा पूर्व Volkswagen Group का हेड अफ डिजाइनको नेतृत्वमा गरिएको कम्पनीले जनाएको छ । यसको विकासमा ३१ देशका ९१५ भन्दा बढी डिजाइन प्रोफेसनलहरू सहभागी भएका थिए।
Fuguang Design Philosophy बाट प्रेरित Q05 ले सन्तुलित अनुपात, आत्मविश्वासी रोड प्रेजेन्स तथा ०.२६५ Cd को ड्र्याग कोएफिसियन्टसहित एरोडायनामिक प्रोफाइल प्रस्तुत गर्दछ। २०२६ Golden A’ Design Award विजेता Q05 मा Digital Wing 2.0 फुल–वाइड्थ लाइटिङ सिग्नेचर, Star-Ring Matrix LED Taillights तथा प्रिमियम Semi-Hidden Door Handles रहेका छन्।
टेक्नोलोजीमा ए क्लास अबभ
Q05 मा CATL ब्याट्री सेलहरूलाई चाङ्गानको Golden Shield Battery 2.0 प्रविधिसँग एकीकृत गरिएको बनाउने कम्पनीले जनाएको छ । यसको 3C फास्ट–चार्जिङ सिस्टम ले उपयुक्त अवस्थामा ब्याट्रीलाई ३० प्रतिशतदेखि ८० प्रतिशतसम्म करिब १५ मिनेटमा चार्ज गर्न सक्ने कम्पनीको दाबी छ ।
१२० किलोवाटको विद्युतीय मोटर ले Q05 लाई ० देखि १०० km/h सम्म ८.१ सेकेन्डमा गति लिन सक्षम बनाउने कम्पनीले जनाएको छ । Q05 ले WLTP परीक्षणअन्तर्गत ४०५ किलोमिटर रेन्ज प्रदान गर्न सक्ने कम्पनीको दाबी छ भने ऊर्जा खपत १२.९ kWh प्रति १०० किलोमिटर रहेको छ।
यसको टेक्नोलोजी प्याकेजमा १४.६ इन्चको 1080P टचस्क्रिन, अटोमोटिभ–ग्रेड MTK8675 ७-न्यानोमिटर प्रोसेसर, वायरलेस Apple CarPlay र Android Auto, तथा भेरियन्टअनुसार १८ वटासम्म ड्राइभर–असिस्टेन्स फङ्सन र ५४०-डिग्री प्यानोरामिक भ्यूइङ सिस्टम उपलब्ध छन्।
