चितवनमा ट्राफिक सचेतना कार्यक्रम सम्पन्न

कार्यक्रम चितवन अटोमोबाइल्स एशोसिएशनका अध्यक्ष मोहन केसीको अध्यक्षता तथा जिल्ला ट्राफिक प्रहरी कार्यालय, चितवनका प्रमुख प्रहरी निरीक्षक अनिल थापाको प्रमुख आतिथ्यतामा सम्पन्न भएको थियो।

कार्यक्रममा निवर्तमान अध्यक्ष, संस्थाका पूर्व अध्यक्षहरू, सल्लाहकार, कार्यसमितिका पदाधिकारी एवं सदस्यहरू, ट्राफिक प्रहरीका प्रतिनिधिहरू, अटोमोबाइल व्यवसायी तथा अन्य सरोकारवालाहरूको उल्लेखनीय सहभागिता रहेको थियो।

कार्यक्रममा ट्राफिक सचेतनासम्बन्धी सामग्री हस्तान्तरण गर्नुका साथै सुरक्षित, व्यवस्थित र जिम्मेवार सडक संस्कृतिको विकासका लागि ट्राफिक प्रहरी र अटोमोबाइल क्षेत्रबीचको सहकार्य, समन्वय तथा आपसी सम्बन्धलाई अझ प्रभावकारी र सुदृढ बनाउने विषयमा फलदायी छलफल गरिएको थियो।