होन्डाको बहु-इन्जिन रणनीति सार्वजनिक -

जापानी कार निर्माता होन्डा (Honda) ले भारतीय बजारमा आफ्नो भविष्य सुरक्षित गर्न ‘मल्टि-पावरट्रेन’ (बहु-इन्जिन) रणनीति अपनाउने घोषणा गरेको छ।

बजारका अन्य ठूला कम्पनीहरू जस्तै होन्डाले पनि इन्धन र विद्युतीय दुवै क्षेत्रमा लगानी फैलाउने नीति लिएको छ, तर कम्पनीले विशेष जोड आफ्नो बहुप्रतीक्षित हाइब्रिड प्रविधिमा दिनेछ।

नयाँ जेनेरेसन e:HEV हाइब्रिड प्रणाली: होन्डाले सन् २०२७ मा आफ्नो नयाँ पुस्ताको ‘e:HEV’ हाइब्रिड प्रणाली बजारमा ल्याउनेछ। यो प्रविधि पहिलो पटक सन् २०२८ मा सार्वजनिक हुने होन्डाको नयाँ मिडल-साइज एसयूभीमा देख्न पाइनेछ। भविष्यमा सिटी (City), सीआर-भी (CR-V) र नयाँ जेनेरेसनको एलिभेट (Elevate) एसयूभी मा समेत यो हाइब्रिड इन्जिन जडान गरिनेछ।
प्रतिस्पर्धाहरू माझ उपस्थिति: हुन्डाई, किया र मारुती सुजुकी जस्ता कम्पनीहरूले भारतीय बजारको विविध आवश्यकता पूरा गर्न हरेक मूल्य सूचीमा फरक इन्जिन विकल्पहरू ल्याइरहेका बेला होन्डाले पनि सोही अनुरुप आफ्नो बलियो उपस्थिति जनाउन लागेको हो।
अल्फा ० (Alpha 0) इलेक्ट्रिक एसयूभी: होन्डाको आगामी सबैभन्दा ठूलो सार्वजनिकरण ‘अल्फा ०’ इलेक्ट्रिक एसयूभीको प्रोडक्सन-रेडी (बिक्रीका लागि योग्य) मोडल हुनेछ। यो गाडी यसै आर्थिक वर्षको दोस्रो त्रैमासिक अवधि (Q1 2027) भित्र बजारमा आइसक्नेछ।
मेड इन इन्डिया, मेड फर जापान: यो नयाँ इलेक्ट्रिक एसयूभी भारतमै उत्पादन गरिनेछ र भारतीय बजारका साथै होन्डाको गृहभूमि जापानमा समेत निर्यात गरिनेछ। भारतमा बनेर जापान निर्यात हुन लागेको यो होन्डाको दोस्रो मोडल हो।