प्रख्यात सुपरकार निर्माता फेरारी (Ferrari) ले आफ्नो इतिहासकै पहिलो पूर्ण इलेक्ट्रिक मोडल ‘फेरा री लुचे’ (Ferrari Luce) सार्वजनिक गरेको छ।
परम्परागत डिजाइनभन्दा सर्वथा फरक र निकै आधुनिक लुकमा आएको यो गाडीले अटोमोबाइल क्षेत्रमा नयाँ बहस र तरंग पैदा गरिदिएको छ।
परम्पराभन्दा फरक डिजाइन: हालसम्मका फेरारी कारहरू जस्तो लामो बोनेट र आक्रामक लुकको सट्टा यो ४-डोरी र ५-सिट क्षमताको ग्राण्ड टुरर (GT) कार निकै क्लिन र आर्किटेक्चरल डिजाइनमा तयार पारिएको छ। यसको फरक लुक्सका कारण सामाजिक सञ्जालमा कार प्रेमीहरू दुई धारमा बाँडिएका छन्।
४ वटा मोटर र १०५० हर्सपावर: यो गाडीमा चारवटा इलेक्ट्रिक मोटर जडान गरिएका छन् (हरेक पाङ्ग्राका लागि एक-एक वटा), जसले मिलेर संयुक्त रूपमा १,०५० हर्सपावर (bhp) र चक्कामा ११,५०० एनएम टर्क पैदा गर्छन्।
असाधारण गति: यो इलेक्ट्रिक कारले मात्र २.५ सेकेन्डमा ० देखि १०० किमी प्रतिघन्टाको गति समात्न सक्छ भने यसको उच्च गति (Top Speed) प्रतिघन्टा ३१० किलोमिटरभन्दा बढी छ।
ठूलो ब्याट्री र दमदार रेन्ज: लामो दूरीको यात्राका लागि यसमा १२२ kWh को विशाल ब्याट्री प्याक राखिएको छ, जसले एक पटकको फुल चार्जमा ५३० किलोमिटरभन्दा बढीको रेन्ज दिन्छ। साथै, यसले ३५० kW को अल्ट्रा-फास्ट चार्जिङ सपोर्ट गर्छ।
फेरारीका पुराना फ्यानहरूले यसलाई सजिलै स्वीकार गरुन् या नगरुन्, तर ‘लुचे’ फेरारीको इतिहासकै सबैभन्दा क्रान्तिकारी र विलासी विद्युतीय सुरुवात बनेको छ।
