बीटी-०६ कस्टम क्याफे रेसर सार्वजनिक -

प्रख्यात कस्टमाइजेसन ब्रान्ड ब्ल्याकट्र्याक (Blacktrack) ले लक्जरी घडी निर्माता बेल एन्ड रोस (Bell & Ross) सँगको सहकार्यमा आफ्नो नयाँ कलात्मक मोटरसाइकल ‘बीटी-०६’ (BT-06) सार्वजनिक गरेको छ।

संकलक (Collectors) र विशेष सौखिन बाइक चालकहरूलाई लक्षित गरी निकै कम संख्यामा मात्र यो विशेष क्याफे रेसरको उत्पादन गरिनेछ।

घडी र बाइकको फ्युजन: यो मोटरसाइकल र ‘बेल एन्ड रोस BR 03-94’ क्रोनोग्राफ घडी एकअर्काबाट प्रेरित भई सँगसँगै डिजाइन गरिएका हुन्। यसको प्रमाण स्वरूप बाइक चालकको ठीक अगाडि आल्मुनियम ब्रैकेटमा बेल एन्ड रोसको घडी जडान गरिएको छ।
स्टेल्थ विमानबाट प्रेरित लुक्स: परम्परागत क्याफे रेसर भन्दा फरक यसमा तिखा रेखाहरू (Sharp Lines), फ्ल्याट सर्फेस र स्टेल्थ लडाकु विमानबाट प्रेरित डार्क प्राविधिक लुक्स दिइएको छ। यसको बडीवर्कमा हाई-एन्ड इन्डस्ट्रियल डिजाइनको झल्को देखिन्छ।
शक्तिशाली इन्जिन: यसमा इन्डियन स्काउट (Indian Scout) कारखनाबाट लिइएको १,३८२ सीसीको शक्तिशाली भी-ट्विन (V-twin) लिक्विड-कुल्ड इन्जिन छ, जसले १३६ बीएचपी पावर दिन्छ। यो इन्जिनले गज्जबको मिड-रेन्ज पर्फर्मेन्स प्रदान गर्नेछ।
अन्तर्राष्ट्रिय स्तरको हलुका वजन: कार्बन फाइबर बडीवर्कका कारण यसको सुख्खा वजन (Dry Weight) मात्र १७५ केजी रहेको छ, जसले गर्दा तीव्र गतिमा मोड्न र नियन्त्रण गर्न यो निकै फुर्तिलो हुनेछ।