बजाज इलेक्ट्रिक स्कुटर चेतक (Chetak EV) को नयाँ विशेष ‘एक्सपिरियन्स जोन’ (सोरुम) पोखराको नयाँबजारमा सञ्चालनमा आएको छ।
नेपालका लागि बजाजको आधिकारिक वितरक हंसराज हुलासचन्द एन्ड कम्पनी (गोल्छा ग्रुप) ले उपत्यकाबाहिर आफ्नो सञ्जाल विस्तार गर्ने क्रममा यो आधुनिक सोरुम खोलेको हो।
सुरुवात:यो नयाँ सोरुमको उद्घाटन यही वैशाख ३१ गते (मे १३) एक विशेष कार्यक्रमका बीच गरिएको हो। यसले पोखरा र वरपरका ग्राहकलाई प्रिमियम इलेक्ट्रिक स्कुटरको अनुभव लिने अवसर दिनेछ।
एकै ठाउँमा सबै सुविधा: आधुनिक इन्टेरियर र लाइटिङसहित सजाइएको यस सोरुममा गाडीको प्रदर्शनी, टेस्ट राइड, खरिद सहायता र चेतक इभीका लागि मात्रै समर्पित सेवा केन्द्र (Service Area) उपलब्ध गराइएको छ।
डिजिटल र स्मार्ट अनुभव: सोरुममा आउने ग्राहकले डिजिटल डिस्प्लेमार्फत चेतकका स्मार्ट फिचर्सहरू बुझ्न सक्नेछन्। साथै, विशेष तालिम प्राप्त सल्लाहकारहरूले ग्राहकलाई इलेक्ट्रिक मोबिलिटी र चार्जिङ समाधानबारे जानकारी दिनेछन्।
कम्पनीको भनाइ: चेतक पोखराका सञ्चालक अगोशमान बुद्धाचार्यले पोखरामा यो प्रिमियम अनुभव केन्द्र सुरु गर्न पाउँदा खुसी व्यक्त गर्दै चेतक इभीले परम्परा, नवीनता र व्यावहारिक जीवनको उत्कृष्ट मिश्रण प्रतिनिधित्व गर्ने बताए।
गोल्छा ग्रुपले पोखरामा यो नयाँ शोरुम खोलेसँगै नेपालमा प्रिमियम र विश्वसनीय इलेक्ट्रिक दुईपाङ्ग्रे सवारी साधनको पहुँच अझ बलियो बन्ने देखिएको छ।
