टिभिएस मोटर कम्पनीले भारतमा आफ्नो लोकप्रिय इलेक्ट्रिक स्कुटर आईक्युब एस (iQube S) को नयाँ ४.७ किलोवाट आवर (kWh) भेरियन्ट सार्वजनिक गरेको छ।
१.३७ लाख भारतीय रुपैयाँ शोरुम मूल्य तोकिएको यस स्कुटरमा ठूलो ब्याट्री र आकर्षक रङका विकल्पहरू थपिएका छन्।
अधिकतम रेन्ज:नयाँ ४.७ किलोवाट आवरको ब्याट्रीले एक पटकको फुल चार्जमा १७५ किलोमिटरको (IDC) रेन्ज दिने दाबी गरिएको छ। यो लामो यात्रा गर्न चाहने इलेक्ट्रिक स्कुटर प्रयोगकर्ताहरूका लागि निकै उपयुक्त हुनेछ।
नयाँ र आकर्षक रङहरू: कम्पनीले यसलाई तीनवटा नयाँ रङमा उपलब्ध गराएको छ:
टाइटेनियम ग्रे (Titanium Grey): यो अलि शान्त र भद्र देखिने गाढा खैरो रङ हो।
हर्लेक्विन ब्लु बेज (Harlequine Blue Beige): चम्किलो नीलो शरीर र बेज रङको भित्री भागको संयोजनले यसलाई निकै आधुनिक लुक्स दिएको छ।
म्याग्निफिसेन्स पर्पल बेज (Magnificence Purple Beige): बैजनी रङको यो निकै फरक र आकर्षक विकल्प हो, जसले सडकमा छुट्टै पहिचान दिन्छ।
डिजाइन र लुक्स:स्कुटरमा प्रिमियम मेटालिक ब्याज र डुअल-टोन सिटहरूको प्रयोग गरिएको छ। विशेषगरी नीलो र बैजनी भेरियन्टमा ब्राउन र बेज रङको सिट कभर दिइएको छ।
वजनमा वृद्धि: ब्याट्रीको आकार बढेसँगै स्कुटरको कुल तौल (Kerb weight) पनि पहिलेको ३.५ किलोवाट आवर भेरियन्टको तुलनामा १० केजीले बढेको छ।
ठूलो ब्याट्री र नयाँ रङका कारण टिभिएस आईक्युब एस अब इलेक्ट्रिक स्कुटर बजारमा अझ बलियो प्रतिस्पर्धीका रूपमा देखिएको छ।
