हुन्डाई इन्डियाले आफ्नो प्रमुख इलेक्ट्रिक कार ‘आयोनिक ५’ (Ioniq 5) को अपडेटेड भर्सन सार्वजनिक गरेको छ।
नयाँ फिचर्स र ठूलो ब्याट्रीका साथ आएको यस गाडीको सुरुवाती मूल्य भारु ५५.७० लाख (एक्स-शोरूम) तोकिएको छ, जुन पुरानो मोडलको तुलनामा करिब १२ लाख महँगो छ।
ठूलो ब्याट्री र धेरै रेन्ज:यसमा अब पुरानो ७२.६ किलोवाट घण्टाको सट्टा ८४ किलोवाट घण्टा (kWh) को ब्याट्री प्याक दिइएको छ। कम्पनीले यो गाडीले एक पटकको फुल चार्जमा ६९० किलोमिटरसम्मको रेन्ज (ARAI Certified) दिने दाबी गरेको छ।
परिमार्जित डिजाइन:गाडीको बाहिरी बनावटमा नयाँ बम्पर, रिभाइज्ड स्किड प्लेट, नयाँ एलोय ह्वील र आकर्षक ‘V’ गार्निस लाइटहरू थपिएका छन्। यसले गाडीलाई पहिलेको तुलनामा अझ आधुनिक र प्रिमियम लुक्स दिएको छ।
भित्री क्याबिन र फिचर्स:नयाँ आयोनिक ५ को भित्री भाग अब ‘अब्सेडियन ब्ल्याक’ थिममा मात्र उपलब्ध हुनेछ। यसमा १२.३ इन्चका दुईवटा डिस्प्ले, वायरलेस एप्पल कारप्ले र एन्ड्रोइड अटोका साथै तातो र चिसो बनाउन मिल्ने (Heated and Ventilated) सिटहरूका लागि फिजिकल बटनहरू पनि थपिएका छन्।
थप सुरक्षा:सुरक्षाका लागि यसमा पार्किङ कोलिजन एभोइडेन्स असिस्ट र साइड पार्किङ डिस्टेन्स वार्निङ जस्ता नयाँ एडास (ADAS) फिचर्सहरू थपिएका छन्। यसले चालक र यात्रु दुवैलाई थप सुरक्षा प्रदान गर्नेछ।
बजारमा प्रतिस्पर्धा:बजारमा आएपछि यसले किया EV6, बीवाइडी सिलियन ७, भोल्भो EX40 र बीएमडब्लु iX1 जस्ता लक्जरी इलेक्ट्रिक गाडीहरूसँग प्रतिस्पर्धा गर्नेछ।
नयाँ प्रविधि र लामो रेन्जका कारण प्रिमियम इलेक्ट्रिक गाडी खोज्नेहरूका लागि यो एक उत्कृष्ट विकल्प साबित हुने देखिएको छ।
