हुण्डाई मोटर्स इन्डियाले आफ्नो लोकप्रिय सेडान ‘भर्ना’ (Verna) को २०२६ फेसलिफ्ट संस्करण भारतमा सार्वजनिक गरेको छ।
आकर्षक डिजाइन र अत्याधुनिक सुविधाहरू सहित आएको यस गाडीको प्रारम्भिक मूल्य १०.९८ लाख भारु तोकिएको छ।
नयाँ डिजाइन र लुक:यसको अगाडिको भागमा नयाँ ‘ब्ल्याक क्रोम’ ग्रिल र शक्तिशाली एलईडी हेडल्याम्पहरू जडान गरिएको छ। साथै, १६-इन्चको आकर्षक ‘डायमण्ड कट’ अलोय ह्वील्सले यसलाई अझ प्रिमियम देखाएको छ।
भित्री विलासिता:गाडीको भित्री भागमा १०.२५-इन्चका दुईवटा ठूला स्क्रिनहरू र ८ वटा स्पिकर भएको ‘बोस’ (Bose) साउन्ड सिस्टम दिइएको छ। चालकका लागि ८-वे इलेक्ट्रिक सिट र मेमोरी फङ्सन जस्ता विलासी सुविधाहरू पनि उपलब्ध छन्।
उच्च सुरक्षा:सुरक्षालाई ध्यानमा राख्दै यसमा ७ वटा एयरब्याग र लेभल-२ एडास (ADAS) प्रविधि जडान गरिएको छ। यसमा ३६०-डिग्री क्यामेरा र इन-बिल्ट ड्यासक्याम जस्ता आधुनिक फिचर्सहरू पनि छन्।
इन्जिन र प्रदर्शन:यो गाडी १.५ लिटर पेट्रोल र शक्तिशाली १.५ लिटर टर्बो पेट्रोल इन्जिनमा उपलब्ध छ। यसमा म्यानुअल, आईभीटी (IVT) र ७-स्पीड डीसीटी (DCT) गियरबक्सको विकल्प छान्न सकिन्छ।
विविध भेरियन्ट र रङ:नयाँ भर्ना ६ वटा विभिन्न भेरियन्टमा उपलब्ध छ। कम्पनीले यसमा ‘क्लासी ब्लु’ र ‘टाइटन ग्रे म्याट’ गरी दुई नयाँ रङहरू पनि थपेको छ।
अत्याधुनिक प्रविधि र उच्च सुरक्षाका कारण २०२६ हुण्डाई भर्नाले सेडान बजारमा होण्डा सिटी र फक्सवागन भर्टस जस्ता गाडीहरूसँग कडा प्रतिस्पर्धा गर्ने देखिएको छ।