एनटर्कका १.५ लाख प्रयोगकर्ता

TVS NTORQ 125 ले नेपालमा १ लाख ५० हजार प्रयोगकर्ता संख्या पार गर्दै दुई–पाङ्ग्रे बजारमा महत्वपूर्ण उपलब्धि हासिल गरेको छ।

यससँगै NTORQ 125 देशका लोकप्रिय प्रदर्शन–केन्द्रित स्कुटरमध्ये एकका रूपमा स्थापित भएको कम्पनीले जनाएको छ।

यो उपलब्धिको अवसरमा जगदम्बा मोटर्स (शंकर ग्रुप अन्तर्गत) ले देशभरका आधिकारिक TVS शोरूममा ‘150K Celebration’ कार्यक्रम आयोजना गरेको छ।

कार्यक्रममा ग्राहक, राइडर समुदाय, डिलर तथा स्कुटर प्रेमीहरूको सक्रिय सहभागिता रहेको कम्पनीले जानकारी दिएको छ।

कम्पनीका अनुसार १.५ लाख प्रयोगकर्ता पुग्नु केवल बिक्री संख्या मात्र नभई नेपाली सडकमा NTORQ प्रति रहेको विश्वासको प्रतीक हो।

यो सफलता ग्राहकको भरोसा, देशव्यापी डिलर नेटवर्कको प्रतिबद्धता तथा बिक्री, सेवा, स्पेयर पार्ट्स, मार्केटिङ र लजिस्टिक्स टिमको संयुक्त प्रयासको परिणाम भएको उल्लेख गरिएको छ।

लञ्च भएदेखि नै NTORQ 125 ले रेसिङ–प्रेरित डिजाइन, शक्तिशाली परफर्मेन्स र स्मार्ट कनेक्टेड फिचरमार्फत नेपालमा प्रदर्शन स्कुटरको नयाँ मानक बनाउँदै आएको कम्पनीको दाबी छ।

विशेषगरी युवावर्ग र शहरी प्रयोगकर्ताबीच यो स्कुटर लोकप्रिय बन्दै गएको बताइएको छ।

जगदम्बा मोटर्सका कार्यकारी निर्देशक अखिल गुप्ताले १.५ लाख राइडरको माइलस्टोन ग्राहकको विश्वास र कम्पनीको सेवा नेटवर्कको समर्पणको परिणाम भएको बताएका छन्।

देशभरका शोरूममा आयोजित विशेष कार्यक्रममार्फत ग्राहक तथा उत्साहीहरूले यो उपलब्धि उत्साहपूर्वक मनाएका छन्।

जगदम्बा मोटर्स नेपालमा TVS दुई–पाङ्ग्रे सवारीको आधिकारिक वितरक हो र कम्पनीले उत्कृष्ट सेवा र ग्राहक–केन्द्रित अनुभव प्रदान गर्ने प्रतिबद्धता जनाएको छ।