शैक्षिक भुक्तानीमा ५०% छुट

ग्लोबल आइएमई बैंकले विदेश अध्ययनसँग सम्बन्धित अन्तर्राष्ट्रिय अनलाइन भुक्तानी गर्दा लाग्ने सेवा शुल्कमा ५० प्रतिशत छुट दिने विशेष योजना ल्याएको छ।

यो छुट अध्ययन शुल्क, भिषा शुल्क, अनलाइन परीक्षा शुल्क लगायतका शैक्षिक प्रयोजनका भुक्तानीमा लागू हुनेछ।

बैंकका अनुसार IELTS, TOEFL, SAT, GMAT, PTE, ACT, ACCA, USMLE, कलेज फि, बीमा शुल्क लगायतका भुक्तानीमा सेवा शुल्क आधा कम लाग्नेछ।

यो योजना अन्तर्गतको छुट सन् २०२६ जुलाई ३१ सम्म लागू रहनेछ।

ग्राहकलाई सहज बनाउन बैंकले यो सेवा आफ्ना ११७ शाखामार्फत उपलब्ध गराएको छ, र छुट लागू हुने शाखाहरूको विवरण बैंकको वेबसाइटमा राखिएको छ।

बैंकले आफूलाई ग्लोबल फाइनान्स र युरो मनी अवार्डबाट सम्मानित भएको, साथै देशभर ठूलो शाखा सञ्जाल रहेको निजी क्षेत्रको पहिलो वाणिज्य बैंक भएको जानकारी पनि दिएको छ।

ग्लोबल आइएमई बैंकका ७७ जिल्लामा ३५२ शाखा, ३८५ एटिएम, १४७ शाखारहित सेवा, ६८ एक्सटेन्सन तथा राजस्व संकलन काउन्टर र ३ वैदेशिक प्रतिनिधि कार्यालयसहित १,००० भन्दा बढी सेवा केन्द्र छन्।

बैंकले नेपालभित्र बैंकिङ सेवासँगै अमेरिका, बेलायत, क्यानडा, अस्ट्रेलिया, मलेसिया, दक्षिण कोरिया, जापान, खाडी मुलुक, भारत, जोर्डन लगायत धेरै देशबाट रेमिट्यान्स सेवा पनि दिँदै आएको छ।