ट्रायम्फ नेपालले ‘लिगेसी राइड : घान्द्रुक एडिसन’ नामक मोटरसाइकल र्याली सफलतापूर्वक सम्पन्न गरेको छ।
कात्तिक २६ देखि २८ सम्म चलेको यो चौथो संस्करण राइडमा ३० जना ट्रायम्फ राइडर सहभागी भए।
राइड बुटवलको कालिकानगरस्थित ट्रायम्फ शोरूमबाट सुरु भयो। पहिलो दिन राइडर्स दोबन, पीपलडाँडा हुँदै पाल्पा पुगेर वालिङमा लन्च ब्रेक लिएपछि साँझतिर घान्द्रुक रिसोर्ट पुगे।
त्यहाँ गुरुङ समुदायको परम्परागत स्वागत, की वितरण, बोनफायर र बीबीक्यु कार्यक्रमले राइडलाई झनै रमाइलो बनायो।
दोस्रो दिन बिहान मर्निङ वाक र सांस्कृतिक पोशाकमा फोटोसेसन गरियो।
त्यसपछि करिब ४५ किलोमिटरको राइड गर्दै राइडर्सले साँझमा बिङ्गो र मनोरञ्जन कार्यक्रममा सहभागिता जनाए, जसले राइडर्सबीचको मित्रता अझ बलियो बनायो।
अन्तिम दिन राइडर्स धम्पुसस्थित अष्ट्रेलियन बेस क्याम्प पुगे र त्यहाँबाट अन्नपूर्ण तथा माछापुच्छ्रे हिमालका मनमोहक दृश्य अवलोकन गरे।
यस यात्रा मार्फत ट्रायम्फ राइडर्सले नेपालको प्राकृतिक सौन्दर्य नजिकबाट अनुभव गर्दै आन्तरिक पर्यटन र मोटरसाइकल संस्कृतिको प्रवर्द्धनमा योगदान पुर्याए।
ट्रायम्फका आधिकारिक वितरक **हंसराज हुलासचन्द एण्ड कम्पनी प्रा.लि.**ले आगामी दिनमा पनि यस्ता राइडहरू निरन्तर आयोजना गर्ने योजना सार्वजनिक गरेको छ।
