यी अन्तर्राष्ट्रिय एयरलाइन्सहरूले पाकिस्तानको उडान रोके

पाकिस्तानी हवाई क्षेत्र बन्द भएपछि कतार एयरवेजले पाकिस्तानका लागि उडानहरू अस्थायी रूपमा स्थगित गरेको छ।

कतार एयरवेजले सामाजिक सञ्जालमा लेख्दै चालक र यात्रुको सुरक्षालाई ध्यानमा राखेर उक्त कदम चालिएको जनाएको छ।

एक्समा लेखेको छ, ‘एयरलाइनले परिस्थितिलाई नजिकबाट निगरानी गरिरहेको छ र आफ्ना यात्रु र चालक दलको सुरक्षालाई प्राथमिकतामा राख्न जारी राख्नेछ।’

एयरलाइन्सले यात्रुहरूलाई प्रभावित उडानहरूको पछिल्लो जानकारीको लागि कतार एयरवेजको आधिकारिक वेबसाइट हेर्न सल्लाह दिएको छ।

पाकिस्तानी अधिकारीहरूले लाहोर र कराँचीका प्रमुख शहरहरूलाई समेट्ने हवाई क्षेत्र बन्द गर्ने घोषणा गरेका छन्।

त्यस्तै एयर फ्रान्स एयरलाइन्सले अर्को सूचना नभएसम्मका लागि पाकिस्तानमाथि उडानहरू स्थगित गरेको छ।

केही गन्तव्यको लागि भने आफ्नो उडान योजना परिवर्तन गरिरहेको जनाएको छ।

जर्मन एयरलाइन्स लुफ्थान्साले पनि अर्को सूचना नभएसम्म पाकिस्तानी हवाई क्षेत्र नजाने बताएको छ।