भ्यान इनारमा खस्दा १० जनाको मृत्यु

मध्य प्रदेशको मन्दसौर जिल्लाको बुढा-तकरवत फाँटे क्षेत्रमा आइतबार एउटा भ्यान इनारमा खस्दा १० जनाको मृत्यु भएको छ।

 यो घटना दिउँसो २ बजेतिर मन्दसौरको नारायणगढ प्रहरी चौकी क्षेत्रमा भएको हो।

रतलाम रेन्जका डीआईजी मनोज कुमार सिंहका अनुसार चार जना घाइतेलाई पनि उद्धार गरिएको छ ।

उनीहरुलाई मन्दसौर जिल्ला अस्पतालमा भर्ना गरिएको छ। प्रहरी अधिकारीहरूले मृत्यु हुनेमा तीन महिला पनि रहेको बताएका छन्।

मध्य प्रदेशका उपमुख्यमन्त्री जगदीश देवदा पनि घटनास्थल पुगेका छन्।

उनले भने, ‘दुर्घटनामा दुई बालबालिकासहित जम्मा १३ जना परेका थिए।’ एक जनाको मृत्यु उद्धार गर्न जाँदा भएको थियो ।

भ्यानमा रहेका मानिसहरू सीमावर्ती जिल्ला नीमचको मनसा क्षेत्रमा रहेको अन्तारी माता मन्दिरको दर्शन गर्न गइरहेका थिए।

यसै क्रममा भ्यान बाइकसँग ठोक्कियो र सन्तुलन गुमाउँदा इनारमा खसेको थियो।