नेपाल बैंकबाट अटो लोन लिने ग्राहकको संख्या ह्वात्तै बढेको छ ।

अर्जुनबहादुर कँडेल, मुख्य प्रबन्धक, नेपाल बैंक लिमिटेड

नेपाल बैंकले चाडपर्वको अवसरमा गाडी खरिद गर्ने ग्राहकहरुलाई लक्षित गर्दै सस्तो ब्याजदरमै सवारी कर्जा (अटो लोन) उपलब्ध गराइरहेको छ । ग्राहकको प्रतिक्रिया कस्तो छ ?
नेपाल बैंकको सवारी कर्जा (अटो लोन) प्रति ग्राहकहरुको प्रतिक्रिया अत्यन्तै राम्रो छ । अहिले नेपाल बैंकबाट अटो लोन लिने ग्राहकको संख्या ह्वात्तै बढेको छ ।

गत भदौमा सम्पन्न दुई ‘अटो शो’ ‘नाइमा शो र नाडा शो’ पछि र अहिले चाडपर्व नजिकिएसगै ग्राहकहरु निकै उत्साहजनक रुपमा अटो लोन लिनका लागि नेपाल बैंक आइरहनुभएको छ ।

सवारी कर्जाको माग अत्यन्तै बढिरहेको छ । अहिलेको सवारी कर्जा मागमध्ये इभी गाडीको मात्रै ९० प्रतिशतभन्दा बढी कर्जा माग रहेको छ ।

नेपाल बैंकको सवारी कर्जा प्रक्रिया र सर्भिसबारे बताइदिनुहोस् न ?
पहिला प्रयोगकर्ताहरुलाई नेपाल बैंक सरकारी बैंक भएकाले परम्परावादी हुन्छ, ब्याजदर पनि महगो हुन्छ, छिटो सर्भिस हु“दैन, सर्भिसमा ढिलासुस्ती हुन्छ भन्ने भ्रम थियो । तर वास्तविकता भने त्यस्तो छैन ।

अहिले बजारमा सबैभन्दा कम ब्याजदर नै नेपाल बैंकले अटो लोन दिइरहेको छ । आधार दरमा ०.४९ प्रतिशत मात्र प्रिमियम जोडेर बैंकले कर्जा उपलब्ध गराइरहेको छ ।

हाल पाच वर्षका लागि ४.९० प्रतिशतमै नेपाल बैंकबाट अटो लोन लिन सकिन्छ । सर्भिस शुल्क पनि जम्मा ०.५ प्रतिशत मात्रै कायम गरिएको छ ।

सर्भिसकै कुरा गर्नुपर्दा अहिले अटो लोन कर्जा विश्लेषण प्रक्रिया खासै जटिल छैन ।

अहिले नेपाल बैंकमा अत्यन्तै छिटो कर्जा स्वीकृत हुन्छ ।

आवश्यक विवरणहरु उपलब्ध भएको खण्डमा हरेक बैंक शाखाबाट दुईदेखि तीन दिन सम्ममा कर्जा स्वीकृत हुन्छ । यसरी ग्राहकहरुले सहज रुपमा सवारी लैजान सक्नुहुन्छ ।

साथै, नेपाल बैंकले ग्राहकलाई सहज होस् भनेर ३ लाखसम्मको क्रेडिट कार्ड पनि उपलब्ध गराएको छ ।

यसमा क्रेडिट कार्डको चार वर्ष अवधिभर कुनै रजिस्ट्रेसन शुल्क नलाग्ने, नवीकरण गर्दा कुनै शुल्क नलाग्ने गरी व्यवस्था गरेको छ । साथै, सबै बैंक शाखाबाट सहज रुपमा सवारी कर्जा लिने व्यवस्था पनि गरिएको छ ।