जीली अटाे ग्रुप अन्तर्गतको विश्वव्यापी विद्युतीय सवारी ब्रान्ड रिडाराले चाडपर्वलाई लक्षित गर्दै ‘फेस्टिव एडभेन्चर्स अवेइट’ अभियान सार्वजनिक गरेको छ।
यस अभियानअन्तर्गत रिडारा इकाेन इलेक्ट्रिक पिकअप खरिद गर्ने ग्राहकले आकर्षक उपहार तथा बम्पर पुरस्कार जित्ने अवसर पाउनेछन्।
अभियान अवधिभर रिडारा इकाेन खरिद गर्ने प्रत्येक ग्राहकले नथिङ फोन ए-फोर प्रो पक्का उपहार प्राप्त गर्नेछन्। साथै, एक भाग्यशाली ग्राहकले बम्पर पुरस्कारस्वरूप हिराे एक्सपल्स प्रो मोटरसाइकल जित्ने अवसर पाउनेछन्।
चाडपर्वको यात्रालाई अझ सहज, आरामदायी र रोमाञ्चक बनाउने उद्देश्यले यो अभियान ल्याइएको हो ।
दैनिक यात्रा, व्यावसायिक प्रयोग तथा साहसिक यात्राका लागि तयार गरिएको रिडारा इकाेनमा आधुनिक विद्युतीय प्रविधि, उपयोगिता र भरपर्दो कार्यक्षमताको राम्रो संयोजन छ ।
नेपालका विभिन्न सडकमा सहज रूपमा चलाउन सकिने रिडारा इकाेन ४ x ४ मा २२५ एमएमको न्यूनतम ग्राउन्ड क्लियरेन्स, ४८५ एनएम पिक टर्क र १,२३५ केजीसम्मको भारवहन क्षमता छ ।
यी विशेषताले यसलाई सहरी सडक, राजमार्ग, उकालो बाटो तथा कठिन भूभागमा समेत उपयोगी बनाउँछन्।
रिडारा इकाेनमा सुरक्षा र टिकाउपनलाई पनि विशेष प्राथमिकता दिइएको छ ।
यसमा ब्याट्री सुरक्षाका छवटा प्रमुख प्रविधि तथा धुलो र पानीबाट सुरक्षा प्रदान गर्ने आईपी ६८ रेटेड ब्याट्री प्याक उपलब्ध छ।
फराकिलो क्याबिन, आकर्षक डिजाइन र उपयोगी कार्गो स्पेसले यसलाई व्यक्तिगत तथा व्यावसायिक आवश्यकताका लागि उपयुक्त बनाउँछ ।
‘फेस्टिव एडभेन्चर्स अवेइट’ अभियानमार्फत रिडाराले चाडपर्वलाई अझ उत्साहपूर्ण बनाउँदै ग्राहकलाई विद्युतीय सवारीसँग नयाँ यात्रा र सम्भावना अनुभव गर्न प्रोत्साहित गर्ने लक्ष्य राखेको छ ।
यो अभियान असोज ६ गतेदेखि कात्तिक २९ गतेसम्म सीमित अवधिका लागि लागू हुनेछ। नियम तथा सर्तहरू लागू हुनेछन्।
