Skip to content
भारतको चेन्नईमा सम्पन्न एआरई जीपी (ARE GP) ग्रान्ड फिनालेमा तीन नेपाली राइडरहरूले उत्कृष्ट प्रदर्शन गर्दै पोडियम जितेका छन्।
नेपालबाट छनोट भएर पुगेका यी राइडरहरूले मद्रास इन्टरनेशनल सर्किटको कठिन ट्र्याकमा आफ्नो क्षमता प्रमाणित गरेका हुन्।
प्रतियोगितामा अभिनव राज मल्लाले २०० सीसी विधामा र दिलीप दनुवारले ३१० सीसी विधामा पहिलो स्थान (स्वर्ण) हासिल गरे।
त्यसैगरी, १६० सीसी विधामा सुजन थापा मगरले दोस्रो स्थान प्राप्त गर्दै नेपालको नाम रोशन गरे।
जगदम्बा मोटर्सका कार्यकारी निर्देशक अखिल गुप्ताले यो सफलताले नेपाली मोटरस्पोर्ट्सको बढ्दो सम्भावनालाई विश्वसामु चिनाएको भन्दै गौरव व्यक्त गरे।
टीभीएस अपाचे रेसिङ एक्सपिरियन्स (ARE) जस्ता प्लेटफर्मले नेपाली प्रतिभालाई अन्तर्राष्ट्रिय मञ्चमा प्रतिस्पर्धा गर्ने बाटो खोलिदिएको छ।
यो उपलब्धिले नेपालको रेसिङ यात्रामा नयाँ अध्याय थपेको छ र क्षेत्रीय स्तरमा नेपाली राइडरहरूको उपस्थितिलाई अझ बलियो बनाएको छ।
Post Views: 13