Skip to content
नेपालको प्रतिष्ठित गोल्छा ग्रुप र भारतको इन्डियन आयल कर्पोरेशन (आईओसी) को साझेदारीमा नवलपुरको देवचुलीमा लुब्रिकेन्ट उत्पादन केन्द्र सञ्चालनमा आएको छ।
करिब ५० करोड रुपैयाँको लगानीमा स्थापित यस उद्योगले सवारी साधन र औद्योगिक प्रयोजनका लागि आवश्यक उच्च गुणस्तरीय लुब्रिकेन्ट उत्पादन गर्नेछ।
यसअघि भारत र तेस्रो मुलुकबाट ठूलो परिमाणमा आयात हुने लुब्रिकेन्ट अब स्वदेशमै उत्पादन हुँदा व्यापार घाटा कम गर्न र विदेशी मुद्रा जोगाउन मद्दत पुग्नेछ।
आईओसीको प्राविधिक दक्षता र गोल्छा ग्रुपको व्यावसायिक अनुभवको संगमले नेपालको औद्योगिक क्षेत्रमा एउटा नयाँ र दिगो इतिहास रचेको छ।
यो कारखानाले स्थानीयस्तरमा १ सय ५० जना नेपाली नागरिकलाई प्रत्यक्ष रोजगारी र आधुनिक औद्योगिक सीप सिक्ने अवसर प्रदान गरेको छ।
नेपालको मध्यभागमा अवस्थित भएकाले यहाँ उत्पादित सर्भो ब्रान्डका उत्पादनहरू देशभरका यातायात, कृषि र उद्योग क्षेत्रमा सहजै वितरण हुनेछन्।
नेपाली माटोमा उत्पादित यो विश्वस्तरीय ब्रान्डले उपभोक्तालाई सुपथ मूल्यमा गुणस्तरीय लुब्रिकेन्ट उपलब्ध गराउने विश्वास गरिएको छ।
Post Views: 14