फक्सवागन इन्डियाले आफ्नो चर्चित एसयूभी टाइगुन (Taigun) को २०२६ फेसलिफ्ट संस्करण भारु १०.९९ लाखको सुरुवाती मूल्यमा सार्वजनिक गरेको छ।
कम्पनीले यस पटक गाडीको डिजाइन, प्रविधि र स्वामित्व लागत (Ownership Cost) मा ४० भन्दा बढी महत्वपूर्ण अपडेटहरू गरेको छ।
आकर्षक बाहिरी बनावट:नयाँ टाइगुनमा कनेक्टेड एलईडी लाइट बार, अगाडि र पछाडि बल्ने (Illuminated) लोगो र नयाँ डिजाइनको १७ इन्चको अलोय ह्वील दिइएको छ। यसले गाडीलाई पहिलेभन्दा अझ आधुनिक र प्रिमियम लुक्स प्रदान गरेको छ।
नयाँ गियरबक्स र प्रदर्शन:यस पटक १.० लिटर टर्बो इन्जिनका साथ नयाँ ८-स्पीड अटोमेटिक गियरबक्स उपलब्ध गराइएको छ, जसले यात्रालाई अझ सहज र प्रभावकारी बनाउनेछ। १.५ लिटर इन्जिनमा भने पुरानै ७-स्पीड डीएसजी गियरबक्स कायम छ।
अत्याधुनिक इन्टेरियर:गाडीको भित्री भागमा १०.२५ इन्चको डिजिटल क्लस्टर र १०.१ इन्चको टचस्क्रिन इन्फोटेनमेन्ट सिस्टम छ, जसमा ‘हेलो फक्सवागन’ एआई भ्वाइस असिस्टेन्ट पनि थपिएको छ। साथै, ठूलो पानोरामिक सनरुफ र भेन्टिलेटेड सिटले यात्रा विलासी बनाउनेछन्।
७५ प्रतिशत ‘बाईब्याक’ ग्यारेन्टी:स्वामित्व लागत घटाउन कम्पनीले उद्योगकै पहिलो ७५ प्रतिशत सुनिश्चित बाइब्याक (Assured Buyback) कार्यक्रम ल्याएको छ। यस अन्तर्गत ३ वर्ष वा ३०,००० किमीसम्म गाडीको मूल्य ७५ प्रतिशत सुरक्षित रहनेछ।
सुरक्षामा सम्झौताहीन:सबै भेरियन्टमा ६ वटा एयरब्याग अनिवार्य गरिएको छ र यसले ग्लोबल एनक्याप (GNCAP) क्र्यास टेस्टमा ५-स्टार रेटिङ कायम राखेको छ।
फक्सवागनको यो नयाँ प्रयासले नेपाली र भारतीय बजारमा एसयूभी प्रेमीहरूका लागि सुरक्षित, शक्तिशाली र आर्थिक रूपमा किफायती विकल्प प्रदान गर्नेछ।
