नेपालमा क्रिकेट केवल खेल मात्र होइन, यो भावनासँग जोडिएको विषय हो।
यसैक्रममा, प्रधानमन्त्री कप पुरुष राष्ट्रिय क्रिकेट प्रतियोगिताको नयाँ सिजन सुरु हुन लाग्दा यामाहाले आधिकारिक ‘पावर्ड बाई’ प्रायोजकको रूपमा सहभागिता जनाएको छ।
यस सहकार्यले युवा खेलाडीको सपना पुरा गर्ने र नेपाली खेलकुदको उत्साहलाई सम्मान गर्ने उद्देश्य राखेको छ।
प्रधानमन्त्री कप पुरुष राष्ट्रिय क्रिकेट प्रतियोगिता नेपाल क्रिकेट संघ (CAN) द्वारा हरेक वर्ष आयोजना हुने देशकै प्रमुख घरेलु क्रिकेट प्रतियोगिता हो।
प्रतियोगितामा प्रत्यक्ष प्रसारण, मोटरसाइकल र नगद पुरस्कारसहितका विभिन्न अवार्ड वितरण हुनेछन्।
नेपालमा यामाहाको यात्रा सदैव उत्कृष्ट प्रदर्शन र युवा प्रतिभालाई समर्थन गर्ने प्रतिबद्धताका कारण सफल रहँदै आएको छ।
पीएम कपसँग सहकार्य गर्दै, यामाहाले नयाँ पुस्ताका क्रिकेट खेलाडीप्रति आफ्नो प्रतिबद्धता अझ सुदृढ गरेको छ।
मैदानमा उत्कृष्ट प्रदर्शन गर्ने खेलाडीलाई सम्मान गर्न यामाहाले यस वर्ष आकर्षक पुरस्कारको व्यवस्था गरेको छ।
उत्कृष्ट बलर, ब्याट्सम्यान र ‘प्लेयर अफ द म्याच’ लाई प्रत्येकलाई यामाहा सलुटो मोटरसाइकल प्रदान गरिनेछ।
प्रतियोगिता एक महिनासम्म वीरगञ्ज, जनकपुर, माथिल्लो मुलपानी र तल्लो मुलपानी जस्ता प्रमुख मैदानहरूमा सञ्चालन हुनेछ। सातवटै प्रदेश र विभागीय टोलीसहित कुल १० टोलीबीच प्रतिस्पर्धा हुनेछ।
नेपाल क्रिकेट संघका सचिव पारस खड्काले भने, “पीएम कपमा यामाहाको सहभागिताले घरेलु क्रिकेटलाई बलियो बनाउने र खेलाडीलाई उत्कृष्ट प्रदर्शन गर्न प्रेरित गर्नेछ।”
एमएडब्लू ग्रुपका अध्यक्ष विष्णु कुमार अग्रवालले भने, “युवा उत्साह झल्काउने प्रतियोगितालाई समर्थन गर्न पाउँदा गर्व छ। यो खेलमार्फत विकास र उत्कृष्टताको उदाहरण प्रस्तुत गर्ने प्लेटफर्म हो।”
कार्यकारी निर्देशक दीपक अग्रवालले भने, “यामाहा सधैं सपनामा विश्वास गर्दछ। पीएम कपले भविष्यका स्टार जन्माउँछ र हामी यसको हिस्सा बन्न पाउँदा उत्साहित छौं।”
यामाहा देशभरका क्रिकेटप्रेमीलाई यस रोमान्चक प्रतियोगितामा सहभागी हुन आह्वान गर्दैछ, जुन यस अघिका संस्करणभन्दा अझ भव्य र प्रेरणादायी हुने अपेक्षा गरिएको छ।
