स्कोडा नेपालले बहुप्रतीक्षित स्कोडा कायलाक एसयुभी आज औपचारिक रूपमा सार्वजनिक गरेको छ।
चन्द्रागिरि हिल्समा आयोजना गरिएको लन्च कार्यक्रममा कम्पनीको नेतृत्व, व्यावसायिक साझेदार, इन्फ्लुएन्सर र सञ्चारकर्मीहरू सहभागी थिए, जसले नेपालमा यस मोडलप्रति देखिएको उत्साह झल्काएको थियो।
कार्यक्रमको उद्घाटन एमएडब्लू ग्रुपका अध्यक्ष विष्णु कुमार अग्रवाल र एमएडब्लू एक्सपान्ज प्रा. लि. का कार्यकारी निर्देशक रौनक अग्रवालले संयुक्त रूपमा गर्नुभयो।
उहाँहरूले कायलाकलाई सहर, हाइवे र पहाडी सडकका लागि उपयुक्त एसयुभीका रूपमा प्रस्तुत गर्दै यसको वास्तविक नेपाली सडकअनुकूल क्षमता प्रकाश पार्नुभयो।
स्कोडा कायलाकले सहरमा सहज प्रयोग, हाइवेमा आरामदायी यात्रा र पहाडी सडकमा आत्मविश्वासपूर्ण प्रदर्शन प्रदान गर्छ।
यो १७८ Nm टर्क र ११५ bhp पावर दिने टर्बोचार्ज्ड पेट्रोल इन्जिनद्वारा सञ्चालित छ।
यसको सन्तुलित पावर डेलिभरीले उकालो, ग्राभेल र अन्य चुनौतीपूर्ण सतहमा नियन्त्रणसहितको ड्राइभिङ सुनिश्चित गर्छ।
कायलाकको मूल्य ने.रू. ४५.९० लाखदेखि सुरु हुन्छ भने अटोमेटिक भेरियन्ट ने.रू. ५२.९० लाखदेखि उपलब्ध छ।
अटोमेटिक भेरियन्टले ट्राफिक र उकालोमा रोक्दा-चलाउँदा पनि स्मूथ र शक्तिशाली अनुभव दिन्छ।
यो एसयुभी स्कोडाको फाइभस्टार सुरक्षा इन्जिनियरिङमा आधारित छ र युरो NCAP तथा भारत NCAP जस्ता क्र्यास टेस्टमा फाइभस्टार सुरक्षा रेटिङ प्राप्त गरिसकेको छ।
कायलाकलाई मनाङ, ढोरपाटन र ३,७५६ मिटर उचाइमा रहेको तीनजुरे जस्ता चुनौतीपूर्ण भू–भागमा परीक्षण गरिएको छ।
भारतमा पहिलो वर्षमै ५०,००० भन्दा बढी युनिट बिक्री भएका कायलाकले “कार अफ द इयर २०२५” लगायत विभिन्न सम्मान पनि पाइसकेको छ।
कार्यक्रममा विष्णु अग्रवालले भन्नुभयो, “कायलाक हरेक उकालोमा आत्मविश्वास र हरेक सडकमा नियन्त्रण दिने गाडी हो, जसको पावर नेपालको अनिश्चित सडकमा पूर्ण रूपमा उपयोग गर्न सकिन्छ।”
रौनक अग्रवालले थप्नुभयो, “कायलाकले प्रिमियम इन्जिनियरिङ, दमदार प्रदर्शन र किफायती मर्मतसम्भारको अनुभव सहरदेखि पहाडसम्म प्रदान गर्छ।”
स्कोडा नेपालले नेपाली बजारमा आधुनिक युरोपियन डिजाइन, उन्नत प्रविधि र भरपर्दो प्रदर्शनसहित सवारीसाधन उपलब्ध गराउँदै आएको छ।
कम्पनीको देशव्यापी शोरुम र सर्भिस नेटवर्कले ग्राहकसम्म विश्वस्तरीय मोबिलिटी समाधान पुर्याइरहेको छ।