राष्ट्रपति रनिङ सिल्ड प्रतियोगिता खेलेर फर्किँदै गरेका विद्यार्थी बोकेको बोलेरो जीप रोल्पामा दुर्घटनामा परि २ जनाको मृत्यु भएको छ भने ९ जना घाइते भएका छन्।
दुर्घटना सुनछहरी गाउँपालिका वडा १ बाट वडा ४ स्युरी तर्फ जाँदै गर्दा भएको हो।
मृत्यु हुनेमा १२ वर्षीया दीपा पुन र १२ वर्षका सुनिल विक छन्। दुवै राष्ट्रिय माध्यमिक विद्यालयका विद्यार्थी हुन्।
घाइतेमा ९ जना विद्यार्थी छन्, जसलाई रोल्पामा प्राथमिक उपचारपछि थप उपचारका लागि बुटवलको लुम्बिनी सिटी अस्पताल पठाइएको छ।