डुकाटी मल्टीस्ट्राडा भी४ आरएस सार्वजनिक

डुकाटीले अन्तर्राष्ट्रिय बजारमा आफ्नो नयाँ मोटरसाइकल २०२६ मल्टीस्ट्राडा भी४ आरएस (2026 Multistrada V4 RS) सार्वजनिक गरेको छ।

यो बाइकलाई सुपरबाइकको पावर र मल्टीस्ट्राडाको आराम तथा बहुमुखीताको उत्कृष्ट संयोजनका रूपमा डिजाइन गरिएको छ।

यसले एड्भेन्चर र रेसिङको अनुभव एकैसाथ प्रदान गर्ने कम्पनीको दाबी छ।

यो बाइकमा डेस्मोसेडिसी स्ट्राडेल इन्जिन (Desmosedici Stradale engine) रहेको छ, जसले १७८ बीएचपी को शक्ति र ११८ एनएम को टर्क (torque) उत्पादन गर्छ।

यो यसको सेगमेन्टमा सबैभन्दा शक्तिशाली एड्भेन्चर बाइक मानिएको छ।

यसमा नयाँ डुकाटी भेहिकल अब्जर्भर (Ducati Vehicle Observer) (DVO) प्रणाली, पाँचवटा फरक राइडिङ मोड (riding modes) र चारवटा सस्पेन्सन प्रिसेट (suspension presets) जस्ता अत्याधुनिक फिचरहरू पनि उपलब्ध छन्।

वजन घटाउनका लागि यस बाइकमा विशेष ध्यान दिइएको छ।

यसमा टाइटेनियम रियर सबफ्रेम (titanium rear subframe) र कार्बन फाइबर (carbon fiber) कम्पोनेन्टहरू प्रयोग गरिएको छ, जसले यसलाई अन्य मोडलभन्दा हलुका बनाएको छ।

यसलाई कम्पनीले कालो एनोडाइज्ड एल्युमिनियम प्लेटमा विशेष नम्बरसहितको सिरिज (series) मा जारी गरेको छ, जसले यसको विशिष्टता (exclusivity) लाई झल्काउँछ।

यो प्रिमियम मोटरसाइकल भारतमा अर्को वर्षपछि प्रिमियम मूल्यमा आउने अपेक्षा गरिएको छ।