मदनभण्डारी सडक निर्माण ढिलाइ

गुल्मीको सिमलटारीदेखि प्यूठानको मच्छीसम्म जोड्ने मदनभण्डारी राजमार्ग अन्तर्गतको ३१ किमि सडक निर्माणमा ढिलाइ भएको छ।

करिब ३३ महिनामा मात्र २६ प्रतिशत भौतिक र २३ प्रतिशत वित्तीय प्रगति भएको छ।

२०७९ कात्तिकमा १ अर्ब ४५ करोड रुपैयाँमा सम्झौता भए पनि ठेकेदार कम्पनीले समयमा काम अगाडि बढाउन नसकेपछि यात्रुहरू वर्षायाममा सास्ती खेपिरहेका छन्।

स्थानीय तह, नागरिक समाज र प्रमुख जिल्ला अधिकारीले अनुगमन गर्दा सबवेस, बेस र कालोपत्रे जस्ता काम अझै अधुरै रहेको पाइएको छ।

आर्थिक समस्याका कारण ढिलाइ भएको ठेकेदार पक्षले बताएको छ।

योजना कार्यालयले निरन्तर दबाब दिँदै २०८३ असार मसान्तसम्म सडक सक्ने लक्ष्य राखेको छ।