अबको दिनमा नेपालको समृद्धी भनेकै पर्यटन हो भन्ने सबैले बुझ्न लागेका छन् त्यसैले अहिले जताततै होटल खुलिरहेका छन् भने विभिन्न पर्यटकिय गन्तव्य नजिक राम्रा र फराकिला सडक पनि पुगिरहेका छन् ।
भोलिका दिनमा एकैपटक लाखौं पर्यटक नेपाल आएको खण्डमा बस्ने स्थानको अभाव हुन सक्छ । त्यसैले होला अहिले नेपालमा धेरै फाइव स्टार होटल संचालनमा आएको छन् भने काभ्रेको पनौंती, बल्थली, धुलिखेल, फुलवारी, दाप्चा, मुस्ताङ जस्ता पर्यटकीय क्षेत्रमा धेरै होटलहरु खुलिरहेका छन् ।
विभिन्न पर्यटकिय गन्तव्यमा होटल खुलेर मात्र हुदैन त्यहाँ पर्यटक पु¥याउने ट्राभल एजेन्सि र गाडीको पनि आवश्यकता पर्छ । त्यहाँ टुर प्याकेज बनाउनु पर्छ र छरिएका आन्तरिक तथा वाह्य पर्यटकलाई पु¥याएर ल्याउनु पर्छ । त्यही काम गरिरहेको ट्राभल एजेन्सी हो, बासवारी काठमाण्डौमा रहेको सफल हिमगिरी ट्राभल एण्ड टुर्स ।
कम्पनीका निर्देशक प्रकाश कार्किले दिएका जानकारी अनुसार यो ट्राभलले नेपालका जुनसुकै पर्यटकिय गन्तव्यमा पनि टुरको सुविधा दिन्छ । कम्पनीले आफै टुरको प्याकेज दिन्छ भने आफुसँग छ वटा गाडी भएको हुनाले कम्पनीले गाडी भाडामा दिने काम पनि गर्छ ।
कम्पनीसँग स्र्काेपियो लगायतका केही कार भएकोले कम्पनीले कार भाडामा दिने काम पनि गर्छ । कार रेन्टल सर्भिस पनि पर्यटन विकासको लागी महत्वपुर्ण विषय हो । जहाँ यातायातको सुविधा हुदैन त्यहाँ पर्यटनको कुरै आउदैन ।
कम्पनीले टुर प्याकेज विशेष गरी मुक्तिनाथ, अपर मुस्ताङ, रुप्से झरना, तातोपानी कुण्ड, बागलुङ कालिका, रारा, जुम्ला, कालिकोट लगायतका स्थानमा दिने गरेको छ ।
यसका उपभोक्ता कम्पनीको सेवावाट प्रभावित छन् र वारम्बार यही कम्पनीबाट यात्रा गरिरहेका छन् । यो ट्राभलसँग छ वटा गाडी छन् भने छ जना ड्राइभरले गाडी चलाई रहेका छन् , काम राम्रो भैरहेको छ ।
कम्पनीले राष्ट्रिय तथा अन्तराष्ट्रिय एयरलाईन्सको टिकेटिङको काम पनि गरिरहेको छ ।
कुनै दिन गाडी वा मोटरसाइकलमा मुक्तिनाथ पुग्नु, कालिन्चोक पुग्नु वा रारा लगायतका धेरै गन्तव्यमा पुग्नु निकै जटिल विषय थियो ।
अहिले यी स्थानमा राम्रो सडक पुगेको छ र यातायातको सुविधा भएको छ । जसले गर्दा अहिले गाडी मार्फत ति स्थानमा जान निकै सहज भएको छ । त्यसैले अहिले गाडीको रेन्टल सर्भिस फस्टाएको छ ।
सडक यातायातको कारण अहिले पहाडी जिल्लाहरुमा विमानको उडान पनि घटेको छ । गत वर्षको पर्यटकिय सिजनमा भन्दा यो वर्षको पर्यटकिय सिजनमा मुस्ताङमा उडान कम भएका छन् ।
किनकी अहिले काठमाण्डौ लगायतका शहरबाट मुस्ताङ विभिन्न खालका गाडीमा सहज रुपमा पुग्न सकिन्छ । यस्तो बेलामा सफल हिमगिरी ट्राभल एण्ड टुर्सले दिने रेन्टल सेवा र टुर प्याकेजको ठूलो महत्व छ ।
