क्रेटा EV भेटघाट सम्पन्न

नेपालमा हुन्डाई गाडीको एकमात्र आधिकारिक बिक्रेता, लक्ष्मी इन्टरकन्टिनेन्टल प्रा.लि.ले बिराटमोड़मा क्रेटा EV सार्वजनिक तथा भेटघाट कार्यक्रम सफलतापूर्वक सम्पन्न गरेको छ।

हुन्डाई नेपाल भरमा विश्वासिलो सेवा, गुणस्तरीय गाडी र मजबुत नेटवर्कको लागि मन पराइएको ब्रान्ड हो।

यो कम्पनी सधैं ग्राहकलाई राम्रो सेवा र मूल्य दिने कुरामा केन्द्रित रहँदै आएको छ, जसले यसलाई नेपालको सबैभन्दा सफल अटो ब्रान्ड बनाएको छ।

अब, नयाँ क्रेटा EV ल्याएर हुन्डाई नेपालले विद्युतीय गाडीप्रति अन्योलमा रहेका ग्राहकलाई सघाउन ठूलो कदम चालेको छ। धेरै मानिसलाई स्पेयर पार्ट्स, महँगो सेवा खर्च र दीर्घकालीन सहयोगको बारेमा चिन्ता हुन्छ।

तर, हुन्डाईले नेपालमै क्रेटा पेट्रोल संस्करण बनाउँदै आएकोले र EV र पेट्रोल संस्करण एउटै प्लेटफर्ममा आधारित भएकाले, ग्राहकहरूले उही भरपर्दो सेवा पाउनेछन् र EV मा रूपान्तरण सजिलै हुने छ।

यो सन्देश सम्पूर्ण नेपालमा पुर्‍याउन हुन्डाई नेपालका उच्च व्यवस्थापकहरू देशभरका शो–रूमहरू भ्रमण गरिरहेका छन्।

यसै अभियान अन्तर्गत २०८२ सालको वैशाख २५ गते बिराटमोड़को एलायन्स मोटर्समा एक विशेष भेटघाट कार्यक्रम आयोजना गरियो, जहाँ नयाँ हुन्डाई मोडेलहरू, विशेष गरी वातावरणमैत्री क्रेटा EV प्रदर्शनीमा राखिएको थियो।

आगन्तुकहरूले हुन्डाई टिमसँग प्रत्यक्ष कुरा गर्ने अवसर पाए।

लक्ष्मी इन्टरकन्टिनेन्टल प्रा.लिले बिराटमोड़वासी सबैलाई कार्यक्रममा सहभागी भएर सफल बनाएकोमा धन्यवाद दिएको छ।

कम्पनीले स्वच्छ र स्मार्ट भविष्यतर्फको यात्रालाई निरन्तर अघि बढाउँदै सम्पूर्ण नेपालका ग्राहकहरूसँग नजिक रहन उत्साहित रहेको जनाएको छ।