इजरायल र अमेरिकी वायु सेनाले रणनीतिक बमवर्षक सहितको संयुक्त सैन्य अभ्यास गरेको इजरायल रक्षा बलले जनाएको छ ।
अभ्यासको क्रममा इजरायली लडाकु विमानहरूले अमेरिकी लामो दूरीको रणनीतिक बमवर्षकसँगै उडान गरेका थिए ।
अभ्यास विभिन्न क्षेत्रीय खतराहरूलाई सम्बोधन गर्ने क्षमता बढाउन दुई सेनाहरू बिचको परिचालन समन्वयमा केन्द्रित रहेको बताइएको छ ।
यसको उद्देश्य सम्पर्क बिस्तार गर्दै र विभिन्न परिदृश्यहरूको लागि एकीकृत क्षमताहरू निर्माण गर्दै सेनाहरू बीचको दीर्घकालीन सहयोगलाई सुदृढ पार्नु र कायम राख्नु रहेको बताइएको छ ।
समयसँगै विकास र बलियो हुँदै जाने सेनाहरू बीचको रणनीतिक गठबन्धन र घनिष्ठ सम्बन्ध स्थापित हुने विश्वास लिइएको छ ।
अभ्यास मध्य पूर्वमा एक संवेदनशील समयमा भएको छ ।
इजरायल र हमास बीचको युद्धविराम सन्तुलनमा छ र इजरायलले सम्भावित अमेरिकी समर्थनमा इरानी आणविक सुविधाहरूलाई लक्षित गरी आक्रमण गर्ने धम्की दिइरहेको छ ।