तेलंगानामा निर्माणाधीन सुरुङ भत्कियो

भारतको तेलंगानामा निर्माणाधीन सुरुङको एक भाग भत्किएको छ।

राज्यको नगरकुर्नुल जिल्लामा श्रीशैलम लेफ्ट बैंक नहरको सुरुङको छतको एक भाग भत्किँदा केही मजदुर फसेको आशंका गरिएको छ।

निर्माण कम्पनीको टोलीले सुरुङभित्र गएर मूल्याङ्कन गरेको र मजदुरहरू फसेको पुष्टि गरेको त्यहाँको प्रहरीले जनाएको छ ।

यद्यपि त्यहाँको मुख्यमन्त्री कार्यालयले जारी गरेको विज्ञप्तिमा संख्या नखुलेर केही घाइते भएको बताइएको छ ।