Skip to content
भारतमा पछिल्लो समय विमानदेखि विद्यालयसम्म कयौँ स्थानमा बम राखेको धम्की आइरहेको छ ।
यसैबिच मंगलबार उत्तरप्रदेशको बलियाबाट लोकमान्य तिलक जाँदै गरेको कामायनी एक्सप्रेसमा बम भएको सूचना आयो ।
गुडिरहेको रेलमा बम भएको सूचना पाएपछि हंगामा मच्चिएको छ। रेललाई सागर जिल्लाको बिना स्टेसनमा रोकेर छानबिन थालिएको समाचारमा उल्लेख छ ।
जानकारी अनुसार, मंगलबार दिउँसो बिना स्टेसनमा रेल रोक्दा यात्रीहरू त्रासमा थिए ।
आरपीएफ र जीआरपीसँगै प्रहरी पनि घटनास्थलमा पुगेपछि निरीक्षण भइरहेको बताइएको छ ।
केही कोचहरूबाट यात्रुहरूलाई बाहिर निकालेर जाँच गरिएको छ भने बम डिस्पोजल स्क्वाड पठाइएको थियो ।
सावधानीका लागि सागर रेलवे स्टेसनमा पनि अलर्ट घोषणा गरिएको छ । अनुसन्धान टोलीले रेललाई चारैतिर ब्यारिकेडिङ गरेर खाली गरिरहेको बताइएको छ ।
Post Views: 197