नाडाको वार्षिक साधारणसभा: कसले के भने ?: कमलेशकुमार अग्रवाल, नेपाल चेम्बर अफ कमर्सका अध्यक्षले भने, “अटो क्षेत्रको दायरा ठूलो छ र विद्युतीय सवारी साधनको प्रयोग बढिरहेको छ, त्यसैले सरकारले अटो क्षेत्रका नीतिहरू सुधार गर्नुपर्छ।
सवारी साधनको कर घटाउनुपर्छ, भारतको तुलनामा नेपालमा कर धेरै महँगो छ।”
चन्द्रप्रसाद ढकाल, नेपाल उद्योग वाणिज्य महासंघका अध्यक्षले भने, “नितिगत अस्थिरताका कारण अर्थतन्त्रमा सुधार हुन सकेको छैन।
उच्चस्तरीय आयोगले नीति सुधार गर्नुपर्ने कुरा भनेको छ। नीति बलियो बनाउनुपर्छ र खनिज निर्यात बढाउनुपर्छ।”
राजेशकुमार अग्रवाल, नेपाल उद्योग परिसंघका अध्यक्षले भने, “विदेशी मुद्रा पर्याप्त भए पनि अर्थतन्त्रमा सुधार हुन सकेको छैन। अटो क्षेत्र चलायमान भए पनि अझै राम्रो सुधार गर्नुपर्छ।”
देवेन्द्र दाहाल, भौतिक पूर्वाधार तथा यातायात मन्त्रीले भने, “अटो क्षेत्रले अर्थतन्त्रमा ठूलो योगदान पुर्याएको छ।
अब हामीलाई सवारी साधन केवल आयात मात्र होइन, यहाँ निर्माण पनि गर्नुपर्छ।”
करण चौधरी, नाडा अटोमोबाइल्स एसोसिएशन अफ नेपालका अध्यक्षले भने, “अटो क्षेत्र संकटतर्फ जान लागेको छ।
यो क्षेत्रले धेरै रोजगार दिन्छ, तर अहिले मन्दीले असर गरेको छ। सरकारले दीर्घकालीन रणनीति ल्याउनुपर्छ र विद्युतीय सवारी साधनलाई प्रोत्साहन गर्नुपर्छ।”