लुम्बिनीमा ३ अर्बको इन्धन डिपो बनिरहेको छ

लुम्बिनीमा ३ अर्बको इन्धन डिपो बनिरहेको छ: नेपाल आयल निगमले रुपन्देहीको भलबारीस्थित लुम्बिनी प्रादेशिक इन्धन भण्डारण (डिपो) रोहिणी नदीको किनारामा सार्ने तयारी गरेको छ ।

निगमले रुपन्देहीको ओमसतिया र रोहिणी गाउँपालिकामा पर्ने रोहिणी नदीको किनारमा डिपो निर्माणको काम अघि बढाएको छ ।

निगमले चालु आर्थिक वर्ष २०८०/८१ को नीति तथा कार्यक्रम र बजेटमा रोहिणी नदी किनारमा स्थानान्तरण गरिनेबारे उल्लेख गरेको थियो । निगमका प्रबन्धक तथा  परियोजनाका संयोजक रामहरि निरौलाले दीर्घकालीन रूपमा आपूर्ति प्रणालीलाई व्यवस्थित गर्न भण्डारण क्षमता बढाउनुपर्ने भएकाले स्थानान्तरण गर्नैपर्ने बताए ।