दिगो ई-स्टपको दलदलेमा औपचारिक रुपमा उद्घाटन

दिगो ई-स्टपको दलदलेमा औपचारिक रुपमा उद्घाटन: दिगो ग्रुपले आफ्नो तेस्रो ई-स्टपको मंसिर २ गते औपचारिक उद्घाटन कार्यक्रम गरेर दलदलेमा सञ्चालनमा ल्याएको छ ।

नवलपरासीको दलदलेमा रहेको सो ई-स्टपमा सडक यात्रुको लागि रेस्टुरेन्टको सुविधाको साथै सार्वजनिक बिध्युतिया सवारीसाधनको लागि २ वटा GB/T चार्जर जडान गरिएको छ भने निजि सवारीसाधनलाई पनि मध्यनजर गरेर CCS 2.0 चार्जरको पनि जडान गरिएको छ ।

दल्दलेको साथै दिगो ई-स्टप रामटार र कुरिन्टारमा संचालन भईरहेको छ ।

उद्घाटन कार्यक्रममा दिगो ग्रुपका प्रमुख कार्यकारी अधिकृत, सौरब श्रेष्ठले यस ई-स्टपको स्थापनामा खुशी ब्यक्त गर्दै भने, “ई-स्टपको तेस्रो संस्करण दलदलेमा संचालनपछि यस राजमार्गको यात्रुहरुलाई निकै उद्धार हुनेछ ।

यस ई-स्टपले महेन्द्र राजमार्गमा बढिरहेको बिध्युतिय सवारीसाधनलाई चर्जिङ्ग को सुविधा दिन्छ र रेस्टुरेन्टले भने यात्रुलाई पनि सफा र मिठो खानाको साथ् सुलभ सुविधा दिनेछ । “

सोहिँ उद्घाटन समारोहमा दिगो ग्रुपको अध्यक्ष, राजन रायमाझीले अतिथि र साझेदारहरूप्रति कृतज्ञता व्यक्त गर्दै भने, “दिगो ई-स्टपले नेपाली राजमार्गको यात्रामा नयाँ युगको सुरुवात ल्याएको छ ।

दिगो ई-स्टप एउटा पिट स्टप मात्र होइन; यो एक दर्शन हो। हामी कार्बन उत्सर्जन घटाउन सक्रिय रूपमा योगदान गर्दै यात्रा सुविधाको लागि समर्पित छौं। “

दलदलेमा दिगो ई-स्टपले आधुनिक यात्रीहरूको आवश्यकता पूरा गर्न डिजाइन गरिएका सेवाहरू प्रदान गर्दछ।

यसको मूल भागमा उन्नत ईभी चार्जिङ स्टेशनहरू छन्, जसले विद्युतीय सवारी साधनहरू सधैं सडकमा छन् भनी सुनिश्चित गर्दछ।

यस सुविधामा यात्रुहरूलाई सफा र स्वच्छ खानाहरू प्रदान गर्ने रमाईलो रेस्टुरेन्ट पनि छ। थप रूपमा, यात्रुहरूले सफा र पहुँचयोग्य सार्वजनिक शौचालयको आनन्द लिन सक्छन्।

Visit homepage : eautonepal.com