नयाँ ब्रान्डको किर्लोस्कर लुब्रिकेन्ट सार्वजनिक

नेपाली बजारमा किर्लोस्कर ब्रान्डको नयाँ लुब्रिकेन्ट अर्थात इन्जिन आयल भित्रिएको छ ।

नेपालका लागि आधिकारिक वितरकको रुपमा आदिशक्ति ग्लोबल ट्रेडर्सले सो इन्जिन आयल भित्र्याएको हो ।

भारतको १३५ वर्ष पुरानो प्रतिष्ठित कम्पनीद्वारा उत्पादित किर्लोस्कर ब्रान्डका मिनरल, सेमी सिन्थेटिक र फुल्ली सिन्थेटिक इन्जिन आयल नेपाली बजारमा उपलब्ध हुने छन् ।

किर्लोस्कर आयल इन्जिन्सद्वारा भारतमा उत्पादित किलोस्कर इन्जिन आयल लन्चिङ समारोहमा कम्पनीका प्रतिनिधि तथा नेपाली व्यवसायीहरुको सहभागिता रहेको थियो ।

सो अवसरमा किर्लोस्कर आयल इन्जिन्सका रिटेल एन्ड डिस्ट्रिब्युसन हेड सुनिल कुमार साहुले इन्जिन आयल र स्पेयर पार्ट्स सहित व्यवसायीका लागि कम्प्लिट सोलुसन उपलब्ध गराउने उद्देश्यका साथ नेपालमा बजार विस्तार गरेको बताए ।

सबै व्यवसायीका साथमा रहेर गुणस्तरीय इन्जिन आयल र स्पेयर पार्ट्स समेत उपलब्ध गराउन आफूहरु प्रतिबद्ध भएको उनले बताए ।

नेपाली बजारमा उपलब्ध कुनै पनि ब्रान्डसँग प्रतिस्पर्धा गर्ने यसको क्षमता रहेको आदिशक्ति ग्लोबल ट्रेडर्सका प्रबन्ध निर्देशक तथा बजार व्यवस्थापक पुरुषोत्तम पौडेलले दावी गरे ।

कुनै पनि सवारी साधनलाई अत्यधिक माइलेज दिन सघाउने र हिमाल, पहाड तथा तराई जुनसुकै सडकमा पनि सवारी साधनका लागि उपयुक्त हुने किर्लोस्कर ब्रान्ड विभिन्न प्याक र सबै रेन्जमा उपलब्ध हुनेछ ।

यस्तै, किर्लोस्कर आयल इन्जिन्सका जोनल म्यानेजर चिन्मय नायक र नेसनल स्पेयर हेड अर्सित रतुरीले ग्राहकमा आत्मविश्वास जागृत गर्न र ढुक्कका साथ बिक्री पछिको सेवा उपलब्ध गराउन आफूहरु तत्पर रहेको जानकारी दिए ।

नेपाल अटो मेकानिक्स व्यवसायी संघका निवर्तमान अध्यक्ष ठाकुरप्रसाद न्यौपाने, नेपाल अटो मेकानिक्स ट्रेड युनियन (नाटु) का सल्लाहकार माधवप्रसाद पाण्डे र हेभी इक्विपमेन्ट मेकानिकल व्यवसायी संघका अध्यक्ष नेत्रबहादुर अधिकारीले गुणस्तरीय इन्जिन आयल प्रयोग गर्न पाउनु ग्राहकको अधिकार भएको र यस्ता उत्पादनलाई नेपाली व्यवसायी र मेकानिक्सहरुले सदैव स्वागत गर्ने बताए ।

विभिन्न सवारी साधनका लागि ओईएमका रुपमा समेत प्रयोग गर्न सिफारिस गरिएको किर्लोस्कर इन्जिन आयल नेपाली बजारमा उपलब्ध भएमा लुब्रिकेन्ट बजार थप प्रतिस्पर्धी हुने अनुमान गर्न सकिन्छ ।

आदिशक्ति ट्रेड लिंकका बिजनेस हेड खगेन्द्र श्रेष्ठले इन्जिन आयल व्यवसायको लामो अनुभवका आधारमा विश्वकै गुणस्तरीय तथा कहलिएको ब्रान्ड भित्र्याउन पाउँदा खुसी व्यक्त गर्दै सबै व्यवसायीबाट सहयोगको अपेक्षा गरे ।

बताइएअनुसार भारतको १३५ वर्ष पुरानो प्रतिष्ठित कम्पनीद्वारा उत्पादित किर्लोस्कर ब्रान्डका इन्जिन आयल, गियर आयल, इन्डष्ट्रियल आयल, हाइड्रोलिक आयल, ट्रान्समिसन आयल आदि नेपाली बजारमा उपलब्ध हुनेछन् ।

टु ह्विलर, फोर ह्विलर, कमर्सियल, हेभी इक्विपमेन्ट आदि सबै सवारी साधनमा सो इन्जिन आयल प्रयोग गर्न सकिन्छ ।

किर्लोस्करका इन्ट्रा सिरिज, एक्स-होरा आदि बढी लोकप्रिय मोडल हुन् ।

Leave a Reply

Your email address will not be published. Required fields are marked *