होन्डा मोटरसाइकलको नेपालका लागी आधिकारिक वितरक स्याकार ट्रेडिङ कम्पनीले सरल फाइनान्स अन्तर्गत मोटरसाइकल र स्कुटर खरिद गर्न चाहने ग्राहकलाई तीन मध्ये कुनै एक विपल्प छनोट गर्ने अवसर दिएको छ । जसमध्ये होन्डाको लोकप्रिय स्कुटर ग्राजिया खरिद गर्दा ग्राहकले सवैभन्दा कम दरको व्याज, सवैभन्दा कम रकम दैनिक किस्ता र कम रकम डाउनपेमेन्ट मध्ये एक छनोट गर्न पाउनेछन् ।
यो अफर अन्तर्गत ग्राहकले ५.८९ प्रतिशत व्याजदर, १७४ रुपैयाँ दैनिक किस्ता र ३० प्रतिशत रकम डाउनपेमेन्ट मध्ये एक छनोट गर्न पाउने भएका हुन् । कुल २ भेरिएन्टमा उपलब्ध ग्राजिया विएस६ को मूल्य नेपाली बजारमा डिआरएको २ लाख ८० हजार र डिएसएसको ३ लाख रुपैयाँ निर्धारण गरिएको छ ।
यस्तो छ पावर र फिचर्स
यो स्कुटरमा १२४ सीसीको विएस६ इन्जिन जडान गरिएको छ, जसले ६००० आरपीएममा ८.२५ पीएस पावर र ५००० आरपीएममा १०.३ एनएम टर्क जेनेरेट गर्छ ।
यसमा उपलब्ध नयाँ इन्स्ट्रयुमेन्ट क्लस्टरमा रियल टाइम माइलेज, एभरेज माइलेज, डिस्ट्यान्स टु इम्पिटी जस्ता फिचरवारे जानकारी लिन सकिन्छ । यसका साथै साइड स्ट्याण्ड इन्डिकेटर, इन्जिन कट अफ जस्ता स्मार्ट प्रविधि पनि यसमा छन ।
यसमा स्प्लिट एन्ड पोजिसन ल्याम्प तथा हेडल्याम्प रहेको यो स्कुटरमा १७१ एमएम सम्मको ग्राउन्ड क्लियरेन्स रहेको छ र होन्डाले यसलाई बेस्ट इन क्लास भनेको छ । स्कुटरमा भएको आइडलिङ स्टप सिस्टमले इन्धन बचाउन सहयोग गर्छ ।