टाटाले लामो समयदेखि परीक्षण कालमा रहेको ह्यारियर फेसलिफ्ट चाँडै लन्च गर्ने भएको छ ।
नयाँ टाटा ह्यारियर फेसलिफ्टमा केही फिचर अपडेट गरिएको छ साथै यसमा नयाँ फ्रन्ट लुक हुनेछ । कारको फ्रन्टमा सेट, पुनः डिजाइन गरिएको हेडलाइट र नयाँ टप माउन्ट गरिएको एलईडी डीआरएल समावेश गरिने छ । साथै नयाँ अलोय ह्विल र नयाँ एलईडी टेललाइट पनि हुने अपेक्षा गरिएको छ ।
टाटा ह्यारियर फेसलिफ्टमा अन्य साना परिवर्तन गरिएको डिजाइन पनि देख्न सकिन्छ । ह्यारियर फेसलिफ्टमा एडीएएस सेफ्टी फिचरको सुविधा पनि हुनेछ । दुर्घटनाको प्रभावलाई रोक्न वा कम गर्न क्रुज कन्ट्रोल पनि हुनेछ । कारको इन्टेरियरमा नयाँ टचस्क्रिन इन्फोटेनमेन्ट सिस्टम जस्ता सुविधा हुने अनुमान गरिएको छ ।
नयाँ ह्यारियर फेसलिफ्टमा ३६० डिग्री क्यामेरा सिस्टम, डिजिटल इन्स्ट्रयुमेन्ट कन्सोल, ठूलो प्यानोरामिक सनरुफ र पावरबाट चल्ने फ्रन्ट सिट जस्ता फिचर हुनेछ । यसमा २.० लिटर डिजेल इन्जिन समावेश गरिएको छ । सो इन्जिनले १७० पीएसको पावर र ३५० एनएमको टर्क जेनेरेट गर्छ । यो इन्जिनलाई ६ स्पिड म्यानुअल वा अटोमेटिक गियरबक्समा मिलाउन सकिन्छ ।