इलेक्ट्रिक कारमा धेरै कर बढाएकोले आयातमा प्रत्यक्ष असर

सरकारले विदेशी मुद्रा सञ्चितिमा असर पुगेको भन्दै हाल १५०० सीसी सम्मका कार मात्र नेपाल ल्याउन अनुमति दिएको छ । त्यसैगरी १०० किलोवाट भन्दा बढी क्षमताका इलेक्ट्रिक कारमा पनि धेरै कर बढाएको छ । यसको प्रत्यक्ष असर आयातमा परेको हो ।
साउन महिनामा सबैगरी २११ युनिट इलेक्ट्रिक कार, जिप र भ्यान भित्रिएका छन् । यो अवधिमा १०० किलोवाट क्षमताका इलेक्ट्रिक कार चीनबाट ३८, भारतबाट १२५ र कोरियाबाट ४२ युनिट भित्रिएका छन् । त्यसैगरी १०० भन्दा बढी २०० किलोवाट सम्मका कोरियाबाट २ र अमेरिकाबाट २ युनिट भित्रिएका छन् भने २०० किलोवाट भन्दा बढी क्षमताका अमेरिकाबाट २ युनिट इलेक्ट्रिक गाडी भित्रिएका छन् ।
तीन पांग्रे सवारी साधन भने केही बढी संख्यामा भित्रिएका छन् । यो अवधिमा चीनबाट ४३७ र भारतबाट २२ युनिट इलेक्ट्रिक थ्री ह्विलर भित्रिएका छन् । चीनबाट अनएसेम्बल अवस्थाका ६४ युनिट थ्री ह्विलर समेत भित्रिएका छन् ।
पेट्रोलियम पदार्थबाट चल्ने सवारी साधनको अवस्था पनि त्यस्तै छ । १००० सीसी वा त्यो भन्दा कम क्षमताका २६ युनिट सवारी कार, जिप, भ्यान भारतबाट भित्रिएका छन् । त्यसैगरी १००० भन्दा बढी र १५०० सीसी सम्मको कार, जिप, भ्यान ६२ युनिट भारतबाट र १ युनिट चीनबाट भित्रिएको छ ।
डिजेल इन्जिनबाट चल्ने कार, जिप र भ्यान १५०० सीसी सम्मको ७ युनिट र त्यो भन्दा बढी २५०० सीसी सम्मको १६ युनिट भित्रिएको छ ।

Leave a Reply

Your email address will not be published.