काठमाडौं महानगरपालिकाले खरिद गरेको तीनवटा दमकल नेपाल आइपुगेको छ । महानगरपालिकाले अघिल्लो वर्ष नै यसको खरिद सम्झौता गरेको थियो ।
मेयर विद्यासुन्दर शाक्यले महानगरको लगानीमा तीनवटा दमकल खरिद गर्न अघिल्लो वर्ष २०७८ साउन ३ गते इन्डोनेशियन कम्पनीसँग सम्झौता गरेका थिए ।
३ हजार प्लस ५०० लिटर पम्प क्षमताको तीनवटा दमकल खरिदका लागि कम्पनीसँग ५ लाख ७५ हजार ९३३ अमेरिकी डलरमा सम्झौता भएको थियो ।
