नेपालमा विद्युतीय सवारीको वर्तमान अवस्था

भन्सार विभागले जारी गरेको वार्षिक वैदेशिक व्यापार तथ्याङ्कमा नेपालले भारत, चीन, दक्षिण कोरिया, संयुक्त राज्य अमेरिका, बेलायत र इन्डोनेसिया गरी ६ देशबाट विद्युतीय कार र एसयूभी आयात गरेको देखाएको छ ।

आर्थिक वर्ष २०२२–२३ मा  चीन र भारतबाट नेपालका लागि विद्युतीय सवारी साधन आयात गर्ने  देशहरूको सूचीमा शीर्ष स्थानमा थियो ।

नेपालले आफ्नो दक्षिणी छिमेकीबाट २२७७ युनिट विद्युतीय सवारी साधन आयात गरेको छ ।

त्यस्तै चीनबाट १ हजार ३७१ विद्युतीय सवारी साधन आयात भएको छ ।

नेपाली अटोमोबाइल व्यवसायीहरूले अमेरिकी ब्रान्ड टेस्ला, युरोपेली ब्रान्डको अडी, जागुआर, एमजी (अहिले चिनियाँ स्वामित्वमा रहेको), सिट्रोन र प्युजोट, कोरियाली ब्रान्ड हुन्डाई र किआ, जापानी ब्रान्ड निसान, चिनियाँ ब्रान्डको बीवाईडी, ग्रेट वाल मोटर्स र भारतीय ब्रान्डका सवारी साधन आयात गर्दै आएका छन् ।

सन् २०२२–२३ विवरणअनुसार यातायात व्यवस्था विभागमा हालसम्म ५,७७० सवारी साधन दर्ता भएका छन् । जुन कुल रजिस्ट्रेसनको २१.८ प्रतिशत मात्रै हो ।

नेपालका उपभोक्ताले विश्वव्यापी रूपमा अन्य देशका भन्दा कम मूल्यमा विद्युतीय सवारी साधन खोजिरहेका छन् ।

विद्युतीय सवारीको लागि न्यूनतम लगभग ४५ लाख रुपियाँ पर्छ । लिथियम–आयन ब्याट्रीको न्यूनतम क्षमता विश्वव्यापी रूपमा लगभग २५० किलोवाट छ ।

यो ब्याट्रीको मूल्य मात्रै करिब ९.५ लाख रुपियाँ हुन जान्छ । हाल लिथियम–आयन ब्याट्रीहरूले विद्युतीय सवारीको लागतको आधा हिस्सा लिन्छ ।

यसले तिनीहरूलाई परम्परागत सवारी साधनभन्दा महँगो बनाउँछ ।  तर विगत दुई वर्षदेखि नेपाली विद्युतीय सवारी साधन बजारमा उल्लेखनीय वृद्धि भएको छ ।

नेपाली अटोमोटिभ व्यवसायले सरकार र बैङ्कको नीति निर्देशनमा आएको परिवर्तन र आर्थिक अनिश्चिततासँग जुधिरहेको छ ।

यही कारण बजारमा विभिन्न उतार चढाव आइरहेका छन् । नेपालका उपभोक्ता उत्कृष्ट विद्युतीय कारको खोजीमा छन्, चाहे नयाँ किन्दा होस् वा इन्धनबाट चल्ने र विद्युतीय कारमा परिणत हुने होस् ।

तर विश्व बजारमा अहिले उत्कृष्ट इलेक्ट्रिक कारहरू पनि उपलब्ध छन् । नेपालमा पनि निकट भविष्यमा ती नयाँ र सुधारिएको इलेक्ट्रिक कार उपलब्ध हुँदै जने छन् ।