गुल्मीको सिमिचौरमा निर्माण भएको रेसुंगा विमानस्थलमा शुक्रबार सफल रुपमा ‘परीक्षण उडान’ भएको छ ।
नेपाल वायुसेवा निगम (एनएसी) को नाइन एन एबिटी (9N-ABT) नम्बरको जहाज क्याप्टेन मनेश बिष्ट नेतृत्वको पाइलट टोलीले रेसुंगा विमानस्थलमा सफल परीक्षण उडान गराएका हुन् ।
नियमित उडानको लागि सबै अवस्थाको जाँच गर्न एयरलाइन्सले वायुसेवा निगमको अनुमति लिएर परीक्षण गरेको हो ।
रेसुंगा नगरपालिकासंगको समन्वय र सहयोगमा नेपाल एयरलायन्सले नियमित उडानको तयारी गरेको जनाएको छ ।
काठमाडौंबाट करिव ५० मिनेटको उडानपछि रेसुंगा विमानस्थलमा अवतरण गरिएको क्याप्टेन बिष्टले जानकारी दिए ।
रेसुंगा नगरले १४ फागुनमा सम्झौता गरेर १७ गतेबाट नियमित गर्ने योजना बनाएको भएपनी प्राबिधिक समस्याका कारण अहिले परीक्षण उडान गरिएको मेयर खिलध्वज पन्थीले बताए ।