सुजुकी एक्सेस १२५ लन्च

काठमाडौं – सुजुकीले नेपालमा नयाँ Access 125 BS6 OBD-2B स्कुटर आधिकारिक रूपमा सार्वजनिक गरेको छ, जुन अहिले देशभरका अधिकृत डिलरशिपमा उपलब्ध छ।

भारतमा लोकप्रिय १२५ सिसी सेगमेन्टको यो स्कुटर उत्कृष्ट प्रदर्शन, आधुनिक उत्सर्जन मापदण्ड र आकर्षक डिजाइनसहित नेपाली बजारमा आएको हो।

यसमा १२४ सिसीको एयर-कूल्ड, फ्युल इन्जेक्सनयुक्त सिंगल सिलिन्डर BS6 इन्जिन रहेको छ, जसले OBD-2B मापदण्ड पूरा गर्छ। यसले ८.३ bhp शक्ति र १०.२ Nm टर्क उत्पादन गर्छ।

स्कुटर पाँच रङमा उपलब्ध छ: सोलिड आइस ग्रीन, पर्ल शाइनी बेज, मेटालिक म्याट स्टेलर ब्लु, पर्ल ग्रेस व्हाइट र मेटालिक म्याट ब्ल्याक।

यसका मुख्य विशेषतामा ५.३ लिटर इन्धन ट्याङ्की, १०६ केजी तौल, इलेक्ट्रिक र किक स्टार्ट जस्ता सुविधा रहेका छन्।

ग्राहकहरूले मूल्य, टेस्ट राइड र उपलब्धताबारे जानकारी लिन नजिकको सुजुकी शोरूममा सम्पर्क गर्न सक्नेछन्।